Бенджамін Спок
англ.: Benjamin Spock
Дата нараджэння	2 мая 1903(1903-05-02)[1][2][…]
Месца нараджэння	Нью-Хэйвен, акруга Нью-Хэйвен[d], Канектыкут, ЗША
Дата смерці	15 сакавіка 1998(1998-03-15)[1][3][…] (94 гады)
Месца смерці	Ла-Хоя, Сан-Дыега, акруга Сан-Дыега, Каліфорнія, ЗША
Грамадзянства	ЗША[2]
Бацька	Benjamin Ives Spock[d][4]
Маці	Mildred Louise Stoughton[d][4]
Род дзейнасці	урач, афіцэр, вясляр, педагог, выкладчык універсітэта, псіхіятр, палітык, псіхолаг, выхавацель
Навуковая сфера	педыятрыя
Месца працы	Пітсбургскі ўніверсітэт
Альма-матар	Калумбійскі доктарска-хірургічны каледж[d] Акадэмія Філіпса[d] Ельская школа медыцыны[d] Калумбійскі ўніверсітэт Hamden Hall Country Day School[d]
Партыя	People's Party[d]
Узнагароды	Гуманіст года[d] (1968) Gandhi Peace Award[d] (1968) E. Mead Johnson Award[d] (1948)
Сайт	drspock.com
Подпіс
Медыяфайлы на Вікісховішчы

Бенджамін Маклейн Спок (Benjamin McLane Spock; 2 мая 1903, г. Нью-Хейвен, штат Канектыкут, ЗША — 15 сакавіка 1998) — амерыканскі педыятр, педагог і грамадскі дзеяч.

Скончыў Іельскі ўніверсітэт (1925) і медыцынскія курсы пры ім (1929). У 1933—1944 гадах займаўся прыватнай практыкай у Нью-Ёрку. У 1944—1946 гадах на вайсковай службе, у 1947—1950 — ад’юнкт-прафесар Мінесотскага ўніверсітэта. У 1951—1955 гадах кіраваў аддзяленнем дзіцячай псіхіятрыі пры медыцынскіх курсах Пітсбургскага ўніверсітэта.

У кнізе «Дзіця і яго догляд» (1946) абагульніў свой вопыт педыятра, выклаў уяўленні пра ўзаемаадносіны бацькоў і дзяцей, развіццё здаровай і шчаслівай асобы. Галоўная ідэя Бенджаміна Спока — прызнанне адметнасці, унікальнасці асобы дзіцяці; ён раіў бацькам пазбягаць крайнасцей у выхаванні, праяўляць чуласць і ўлічваць жаданні дзіцяці, дамагацца такіх адносін з дзецьмі, калі адпадае неабходнасць у пакаранні. Важнейшым у выхаванні лічыў «метад цярпення», адначасова падкрэсліваў асноўную ролю бацькоўскага аўтарытэту, які не мае нічога агульнага з дыктатам, значэнне дысцыпліны для выхавання. У шматлікіх публікацыях выказаў свае ідэі па педагагічных праблемах: выхаванне праёмных і «цяжкіх» дзяцей, выхаванне ў няпоўнай сям’і, уплыў на дзяцей сямейных канфліктаў і разводаў, роля бацькі ў выхаванні і інш. Сваю грамадскую дзейнасць разглядаў як працяг гуманістычнай педагогікі.

Бібліяграфія

• Baby and Child Care (1946, with revisions up to eighth edition, 2004)
• A Baby’s First Year (1954)
• Feeding Your Baby and Child (1955)
• Dr. Spock Talks With Mothers (1961)
• Problems of Parents (1962)
• Caring for Your Disabled Child (1965)
• Dr. Spock on Vietnam (1968)
• Decent and Indecent (1970)
• A Teenager’s Guide to Life and Love (1970)
• Raising Children in a Difficult Time (1974)
• Spock on Parenting (1988)
• Spock on Spock: a Memoir of Growing Up With the Century (1989)
• A Better World for Our Children (1994)

Зноскі

Літаратура

• Спок Бенджамін Маклейн // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 118—119. — 10 000 экз. — ISBN 985-11-0035-8. — ISBN 985-11-0251-2 (т. 15).