палац
Белы палац
Белы палац у 1930-х гг.
Белы палац у 1930-х гг.
52°05′00″ пн. ш. 23°39′32″ у. д.
Краіна  Беларусь
Горад Брэст
Дата заснавання 1629
Дата пабудовы 1840-я
Асноўныя даты

1840-я — перабудаваны пад афіцэрскае казіно
1918 — падпісанне Брэсцкага мірнага дагавора
1939 — пашкоджаны

1953 — разабраны
Статус Ахоўная шыльда гісторыка-культурнай каштоўнасці Рэспублікі Беларусь. Гісторыка-культурная каштоўнасць Беларусі, шыфр 111Г000724
Map
Лагатып Вікісховішча Медыяфайлы на Вікісховішчы

Белы палац — палац у Брэсце, былая царква св. Пятра і Паўла манастыра базылянаў заснаваная ў 1629 годзе. Падчас будаўніцтва сістэмы ўмацаванняў «Брэсцкая крэпасць» у 1840-х гг. перабудаваны пад афіцэрскае казіно. У 1918 годзе былы перабудаваны храм стаў месцам падпісання Брэсцкага міру. Моцна пашкоджаны падчас Другой сусветнай вайны. Разабраны ў 1950-х.

Гісторыя

Узвядзенне першага будынка манастыра базылян у Брэсце распачалося ў 1629 годзе і ў 1631 годзе быў завершаны драўляны будынак царквы св. апосталаў Пятра і Паўла. З 1770 г. на месцы драўлянай царквы базыляне пачалі будаўніцтва новай мураванай царквы ў стылі віленскага барока. Вежы яе, аднак, так і не былі закончаныя. У 1835 годзе пры будаўніцтве Брэсцкай крэспасці апынуўся адным з нешматлікіх будынкаў старога Брэста, што не быў знішчаны. У выніку перабудаваны пад афіцэрскае казіно.

Падчас Першай сусветнай вайны ў Брэсцкай крэпасці праходзілі мірныя перамовы паміж прадстаўнікамі Савецкай Расіі, з аднаго боку, і Цэнтральных дзяржаў (Германіі, Аўстра-Венгрыі, Турцыі і Балгарыі) — з другога, якія завяршыліся падпісаннем у Белым палацы 3 сакавіка 1918 года Брэсцкага мірнага дагавора. У гэты перыяд за будынкам замацавалася назва «Белы палац».

Руіны палаца

Будынак моцна пацярпеў у ходзе Другой сусветнай вайны. Падчас абароны Брэсцкай крэпасці жаўнерамі войска польскага 2 верасня 1939 года будынак быў пашкоджаны ў выніку нямецкага авіяўдару. Але асноўныя пашкоджанні будынку, які быў адным з ачагоў абароны, былі нанесеныя падчас савецкай абароны крэпасці ад наступаючых нямецкіх войскаў у чэрвені—ліпені 1941 года.

Разабраны на цэглу ў пачатку 1950-х гг.

Да нашага часу захаваліся толькі падмуркі і сутарэнні царквы, частка знешніх сцен. Руіны Белага палаца знаходзяцца насупраць уваходу ў Музей абароны Брэсцкай крэпасцi. У 1968—1972 гадах падчас будаўніцтва музейнага комплекса была разабраная частка падмурку з боку плошчы Цэрыманіалаў, а астатняя частка закансерваваная[1].

Зноскі

Спасылкі

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.