| Беларускі фонд культуры | |
|---|---|
 | |
| Абрэвіятура | БФК |
| Адрас | Мінск, вул. Траецкая набярэжная, д. 6, 3-і паверх |
| Юрыдычны статус | грамадскае аб’яднанне |
| Мэта | развіццё беларускай культуры |
| Тып арганізацыі | грамадская арганізацыя |
| Кіраўнікі | |
| Старшыня | Тадэуш Стружэцкі |
| Адказны сакратар | Алесь Сачанка |
| Заснаванне | |
| Дата заснавання | 1987 |
| Кіроўны орган | Рада |
| Матчыная арганізацыя | Канфедэрацыя творчых саюзаў Рэспублікі Беларусь |
| Даччыныя арганізацыі | «Краязнаўчая газета» |
Беларускі фонд культуры (БФК) — беларуская грамадская арганізацыя, заснаваная ў 1987 годзе, мэтай якой з’яўляецца падтрымка развіцця беларускай культуры. Першым старшынёй быў народны пісьменнік Беларусі Іван Чыгрынаў (да 1996 года). Другі старшыня — Уладзімір Гілеп (з 1996 па сакавік 2018 г.).
Кіраванне
- Рада. Абіраецца на 5 гадоў. Збіраецца штогод. Абірае Выканаўчы камітэт на чале са старшынёй.
- Выканаўчы камітэт. Пасаду старшыні займае Тадэвуш Стружэцкі[1].
Дзейнасць
БФК распрацавана і ажыццяўляецца доўгатэрміновая праграма «Спадчына», мэтай якой з’яўляецца падтрымка высілкаў па захаванні гісторыка-культурнай спадчыны. Формы яе рэалізацыі — выставы твораў народных майстроў, фальклорныя святы.
Таксама БФК рэалізуе наступныя праграмы: «Вяртанне і захаванне нацыянальных культурных каштоўнасцей», «Адраджэнне нацыянальнай культуры малых гарадоў і мястэчак», «Славутыя імёны Айчыны».
Фонд займаецца выдавецкай дзейнасцю, у тым ліку з красавіка 2003 года выдае тыднёвік «Краязнаўчая газета».
Задачы
Задачамі фонду з’яўляюцца:
- выкарыстанне творчых намаганняў і матэрыяльных магчымасцей насельніцтва ў культурным будаўніцтве;
- маральная, матэрыяльная і прававая падтрымка памнажэння культурнай спадчыны, захавання і выкарыстання народных традыцый, развіццю краязнаўства, прафесійнай і аматарскай творчасці;
- дапамога творчасці моладзі;
- адшуканне за мяжой і вяртанне ў краіну твораў мастацтва, архіўных матэрыялаў, помнікаў гісторыі і культуры;
- развіццё міжнародных сувязяў і абменаў.
Зноскі
Літаратура
- Несцярчук, Леанід. Гісторыя дзейнасці грамадскіх арганізацый Беларусі па ахове помнікаў//Каштоўнасці мінуўшчыны 8 — Мінск, 2005