Беларуская партыя незалежных сацыялістаў (БПНС)) — палітычная партыя ў міжваеннай Польшчы, дзейнічала ў 1922—1925.
Створана С. А. Рак-Міхайлоўскім як левае крыло Беларускай сацыял-дэмакратычная партыі (БСДП). Спачатку не проціпастаўляла сябе сацыял-дэмакратам. Разам з Беларускай сацыял-дэмакратычнай партыяй, Беларускай рэвалюцыйнай арганізацыяй і Беларускай хрысціянскай дэмакратыяй удзельнічала ў рабоце Беларускага цэнтральнага выбарачага камітэта і распрацоўцы выбарчай платформы.
На выбарах у лістападзе 1922 г. Рак-Міхайлоўскі выбраны паслом на польскі сейм. Пазней да яго далучыліся паслы П. П. Валошын, П. В. Мятла, Б. А. Тарашкевіч, якія пад уплывам КПЗБ і КП(б)Б выйшлі з Беларускага пасольскага клуба і 24 чэрвеня 1925 г. утварылі ў сейме фракцыю — Беларускую сялянска-работніцкую грамаду. У канцы 1925 г. паслы фракцыі разам з камуністамі пачалі ствараць аднайменную масавую арганізацыю, БПНС злілася з КПЗБ.
Літаратура
- Бергман, А. Сымон Рак-Міхайлоўскі: (Кароткі біяграфічны нарыс) // Беларускі каляндар 1980. — Беласток, 1980.
- Палуян, У. А. Беларуская сялянска-рабочая грамада. — Мн., 1967.
- Сідарэвіч, А. М. Беларуская партыя незалежных сацыялістаў /А. М. Сідарэвіч // Энцыклапедыя гісторыі Беларусі. У 6 т. Т. 1: А — Беліца / Рэдкал.: М. В. Біч і інш.; Прадм. М. Ткачова; Маст. Э. Э. Жакевіч. — Мн. : БелЭн, 1993. — 20 000 экз. — ISBN 5-85700-074-2. — С. 394.
  Палітычныя партыі Польшчы | |
|---|---|
| Сучасныя парламенцкія партыі | Грамадзянская платформа (206 месцаў у Сейме — 63 месцы ў Сенаце — 25 месцаў у Еўрапарламенце) · Права і справядлівасць (157 — 31 — 11) · Рух Палікота (40 — 0 — 0) · Польская народная партыя (28 — 2 — 3) · Саюз дэмакратычных левых сіл (27 — 0 — 6) · Польшча важней усяго (0 — 0 — 3) · Нямецкая меншасць (1 — 0 — 0) · Саюз працы (0 — 0 — 1) |
| Сучасныя непарламенцкія партыі | Самаабарона · Ліга польскіх сем'яў · Партыя рэгіёнаў · Рух за аўтаномію Сілезіі · Наперад, Польшча · Правыя Рэспублікі · Пірацкая партыя · Партыя жанчын · Польская партыя працы · Зялёныя 2004 · Дэмакратычная партыя — demokraci.pl · Кангрэс новых правых · Сацыял-дэмакратыя Рэспублікі Польшча · Дэмакратычная партыя · Каталіцка-народны рух і Патрыятычны рух · Рух аднаўлення Польшчы |
| Гістарычныя партыі | Польская сацыялістычная партыя (існавала ў 1892—1948 гадах) · Польская сацыял-дэмакратычная партыя Галіцыі і Сілезіі-Цешына (1892—1919) · Польская сацыялістычная партыя ў Прусіі (1893—1919) · Сацыял-дэмакратыя Каралеўства Польскага і Літвы (1893—1918) · Нацыянальна-дэмакратычная партыя Польшчы (1897—1947) · Камуністычная партыя Польшчы (1918—1939) · Блок нацыянальных меншасцяў (1922—1930) · Польская працоўная партыя (1942—1948) · Аб'яднаная народная партыя (1949—1989) · Польская аб'яднаная працоўная партыя (1948—1990) · Унія Свабоды (1994—2005) |