Белае дрэва Гондара  — сімвал каралеўства Гондар у рамане Дж. Р. Р. Толкіна «Уладар Пярсцёнкаў». (артэфакт)

Белае дрэва Гондара было «нашчадкам» Німлота, Белага дрэва Нуменара, што ў сваю чаргу з'яўлялася сажанцам Келеборна, Сярэбранага дрэва, якое расло на эльфійскім востраве Тол-Эрэссеа.

Белае дрэва было пасаджана Ісільдурам у Мінас Тырыце (які тады яшчэ называўся Мінас Анорам) на памяць аб сваім браце Анарыёне.

Так яно і расло, пакуль у 1636 годзе Трэцяй Эпохі не засохла падчас Вялікага Мора. Застаўся ад яго толькі невялікі расток, які ў 1640 годзе кароль Тарондар пасадзіў у Фантанным Двары Цытадэлі. Гэта дрэва расло да 2852 года. Яно засохла, новага растка не знайшлі. Дрэва не кранулі, яно так і прастаяла сухім да 3019 года.

25 чэрвеня 3019 года Трэцяй Эпохі Гэндальф прывёў Арагорна на гару Міндалуін, на камяністым схіле якога яны і знайшлі новы расток дрэва, якому было не болей за сем гадоў. Гэта дрэва было перасаджана на месца папярэдняга, дзе яно прыжылося ды заквітнела. Засохшы ствол старога не спалілі, але адправілі на пакой на вяршыню Рат-Дзінена.