Баі ва Усходняй Трыпалітаніі
Асноўны канфлікт: Грамадзянская вайна ў Лівіі (2014—2020)
     Пад кантролем ЛНА     Пад кантролем УНА
Дата 6—11 чэрвеня 2020 (актыўная фаза); асобныя баі працягваліся да 12 жніўня
Месца Сірт, авіяцыйная база Эль-Джуфра і іх наваколле
Вынік Тупіковы стан: бакі не дамагліся сваіх мэт і не праяўлялі значнай актыўнасці
Праціўнікі
Лівійская нацыянальная армія
замежная падтрымка:
 ААЭ
 Егіпет
 Расія 		Лівія Урад нацыянальнай згоды
замежная падтрымка:
 Турцыя
Сірыйская нацыянальная армія
Камандуючыя
Халіфа Хафтар Лівія Фаіз Сарадж
Страты
як мінімум 1 дрон збіты 130 сірыйскіх баевікоў забіты, 3 дрона збіты, некалькі пікапаў знішчаны

    Баі ва Усходняй Трыпалітаніі — ваенная кампанія грамадзянскай вайны ў Лівіі, што з-за слабой актыўнасці варагуючых бакоў некаторымі называецца як «Стаянне ля Сірта»[1].

    Перадумова

    У красавіку 2019 года камандуючы Лівійскай нацыянальнай арміяй маршал Халіфа Хафтар загадаў войскам пачаць наступленне на сталіцу краіны Трыпалі, якая была пад урадам Фаіза Сараджа. Уся аперацыя праходзіла вельмі павольна і з пераменным поспехам, але ўсё змянілася ў лютым 2020 года, калі Турцыя ўмяшалася ў канфлікт на баку УНЗ. У красавіку-чэрвені войскі Сараджа пры падтрымцы замежных інтэрвентаў змаглі рашуча зламаць сілы праціўніка і пачаць контрнаступленне ўздоўж усяго фронту.

    Храналогія

    • 6 чэрвеня: прыхільнікі Урада нацыянальнай згоды пачалі прасоўванне да Сірта і падышлі ўшчыльную да горада. Бакі абмяняліся авіяўдарамі. ЛНА страціла як мінімум адзін беспілотнік, але змагла знішчыць некалькі пікапаў сіл УНЗ[2].
    • 7 чэрвеня: некалькі знішчальнікаў МіГ-29 Хафтара ажыццявілі авіяўдар па калоне бронетэхнікі ўзброеных сіл Турцыі і сараджыстаў, якія спрабавалі захапіць Сірт. Адзначаецца, што ваенны канвой суправаджалі некалькі соцень байцоў. Меркавана, баявая авіяцыя здзейсніла некалькі удараў па калоне[3].
    • 11 чэрвеня: армія Сараджа забяспечыла кантроль над стратэгічнай 350-ці кіламетровай трасай, а таксама раёнам Аш-Шувайрыф на гэтай дарозе. Байцы Хафтара выкарыстоўвалі трасу на працягу года для лагістычных паставак паміж паўднёвымі і заходнімі раёнамі краіны. Забяспечыўшы кантроль над дарогай, сілам УНЗ Лівіі тым самым удалося перакрыць шляхі забеспячэння праціўніка. Кантроль над раёнам Аш-Шувайрыф дазволіў перакрыць шляхі забеспячэння на ваенную базу «Таманхант» непадалёк ад Себхі[4].
    • 22 чэрвеня: у паветранай прасторы Лівіі знішчальнікі ваенна-паветраных сілаў Егіпта F-16C/D здзейснілі сумесны палёт з самалётамі-запраўшчыкамі Airbus A330-243MRTT Tankers ВПС ААЭ. Па паведамленнях, яны, магчыма, ажыццявілі ўдары па сілах УНЗ у Місраце сумесна са знішчальнікамі расійскай вытворчасці ВПС Лівійскай нацыянальнай арміі Су-24M. Раней прэзідэнт Егіпта Абдул Фатах ас-Сісі заявіў, што краіна можа ўварвацца ў Лівію на законных падставах, і заклікаў егіпецкую армію да поўнай баявой гатоўнасці. Ён адзначыў, што Егіпет атрымаў прамыя пагрозы ад «тэрарыстычных наймітаў і апалчэнцаў», таму любое ваеннае ўмяшанне з боку Каіра з гэтага часу легітымна[5].
    • 25 чэрвеня: у 14 альбо 17 часоў сілы Сараджа пры падтрымцы Турцыі нанеслі ўдар па авіябазе Jufra (Al-Jufra), на якой былі размешчаны ваенныя самалёты. Паведамлялася, што частка самалётаў знішчылі. Затым у 18:46 адбылася атака з дронаў[6].
    • 1 ліпеня: стабілізаваўся фронт ля Сірта, дзе байцы Хафтара спынілі праціўніка ў 50—90 км ад горада, адбіўшы шэраг нападаў[7]
    • 8 ліпеня: у Twitter з’явілася інфармацыя пра ўдар ВПС Турцыі па пазіцыях ЛНА на тэрыторыі г. Аль-Джуфра. Паведамлялася аб некалькіх дзясятках параненых[8].
    • 13 ліпеня: Турцыя вылучыла ультыматум Хафтару, каб ЛНА адыйшла з Сірта і Джуфры, інакш супраць іх будзе пачата ваенная аперацыя[9].
    • 22 чэрвеня: на захад ад Сірта СПА фельдмаршала Хафтара збіла турэцкі беспілотнік[10].
    • 12 жніўня: ваенна-паветраныя сілы ЛНА падвергнулі бамбардзіроўцы ўзброеную калону меркавана падтрымоўваных Турцыяй наймітаў у раёне Вадзі-Бі на захад ад Сірта. Паводле крыніцаў ЛНА, група спрабавала трапіць у горад, але яна была разбіта, без якіх-небудзь падрабязнасцяў аб колькасці ўдзельнікаў або стратах[11][12].

    Спасылкі

    Зноскі

    1. ↑ Возможно ли открытое столкновение Египта и Турции в Ливии? E-News.su, 29 июля 2020
    2. ↑ Сирт все еще под контролем ЛНА
    3. ↑ Истребители МиГ-29 разбомбили турецкую военную колонну в Ливии
    4. ↑ Стратегическая победа армии на юге Ливии: Аш-Шувайриф // LIBYAN ARMED FORCES (Паблик во ВКонтакте)
    5. ↑ Египет вторгся в Ливию
    6. ↑ Турки разбомбили в Ливии авиабазу с российскими самолетами
    7. ↑ Армия Хафтара сдерживает противника на подступах к Сирту Архівавана 1 ліпеня 2020. // Mil.Press, 1 июля 2020
    8. ↑ ВВС Турции совершили авиаудар по базе Аль-Джуфра в Ливии Архівавана 11 ліпеня 2020. // Политэксперт, 8 июля 2020
    9. ↑ Турция выдвинула ультиматум армии Хафтара // Лента. Ру, 13 июля 2020
    10. ↑ Ливийская национальная армия заявила, что сбила беспилотник Турции // Gazeta.ru, 23 июля 2020
    11. ↑ Libyan Air Force destroys mercenary convoy near Egyptian ‘red line’. ARAB NEWS (13 жніўня 2020).
    12. ↑ LNA target GNA positions near Sirte on August 12. garda.com (13 жніўня 2020).
    This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.