Бацылы
Сенная палачка, афарбоўка па метаду Грама
Навуковая класіфікацыя
Дамен:  Бактэрыі Тып:  Фірмікуты Клас:  Бацылы Парадак:  Bacillales Сямейства:  Bacillaceae Род:  Бацылы
Міжнародная навуковая назва
Bacillus Cohn, 1872
Сістэматыка на Віківідах Выявы на Вікісховішчы ITIS   407 NCBI   1386 EOL   83228

Бацы́лы — палачкападобныя бактэрыі, у цыкл развіцця якіх уваходзіць спораўтварэнне. У вузкім сэнсе бацылы — аэробныя і факультатыўныя анаэробныя грамстаноўчыя палачкападобныя прадстаўнікі роду Bacillus, што ўтвараюць тэрмаўстойлівыя эндаспоры.

Большасць бацыл — сапрафіты, удзельнічаюць у мінералізацыі арганічнага рэчыва і працэсах самаачышчэння асяроддзя. Выкарыстоўваюцца ў тэхнічнай мікрабіялогіі для атрымання ферментаў, антыбіётыкаў, мікрабіялагічных сродкаў барацьбы са шкоднікамі сельскагаспадарчых культур. Некаторыя бацылы з'яўляюцца ўзбуджальнікамі хвароб (сібірская язва, слупняк і інш.).

Літаратура

• Бацылы // Беларуская энцыклапедыя: У 18 т. Т. 2: Аршыца — Беларусцы / Рэдкал.: Г. П. Пашкоў і інш. — Мн. : БелЭн, 1996. — Т. 2. — 480 с. — 10 000 экз. — ISBN 985-11-0035-8. — ISBN 985-11-0061-7 (т. 2).