| Аспергіл | |||||||||||||||||||||
 Аспергіл чорны (Aspergillus niger) | |||||||||||||||||||||
| Навуковая класіфікацыя | |||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|
|
прамежныя рангі
| |||||||||||||||||||||
| Міжнародная навуковая назва | |||||||||||||||||||||
|
Aspergillus | |||||||||||||||||||||
| Тыпавы від | |||||||||||||||||||||
|
Aspergillus glaucus (L.) Link 1809
| |||||||||||||||||||||
| |||||||||||||||||||||
Аспергі́л, палівачкавы грыб, касматая галава (Aspergillus) — род недасканалых грыбоў сямейства Trichocomaceae.
Апісанне
Калоніі аспергіла — налёты плесні роэнага колеру, часцей блакітна-зялёнага і чорнага. Вегетатыўнае цела — шматклетачны, галінасты, бясколерны, светлаафарбаваны або бледна-карычневы міцэлій унутры субстрата. Іншы раз з клетак міцэлія ўтвараюцца склероцыі. Канідыяносцы аднаклетачныя ці з папярочнымі перагародкамі, розных памераў, галоўчатаўздутыя, са стэрыгмамі. Канідыі розных колеру, формы, памераў, гладкія, шурпатыя ці шыпаватыя, у простых ланцужках на вяршыні кожнай стэрыгмы, складаюць радыяльную галоўку або калонку. Некаторым відам уласціва сумчатая стадыя споранашэння, якая належыць да відаў парадку эўрацыяльных. Пладовыя целы (клейстатэцыі) шарападобныя, танкасценныя, звычайна светлага колеру. Сумкі акруглыя або эліптычныя. Сумкаспоры больш-менш дыскападобныя.
Аптымальная тэмпература для развіцця большасці відаў і рас аспергіла вышэй 30 °C і нярэдка каля 38 °C.
Экалогія
Большасць — сапратрофы. Развіваюцца ў глебе, на розных субстратах, асабліва на раслінных прадуктах. Некаторыя віды — паразіты чалавека, жывёл і раслін, узбуджальнікі аспергілёзу.
Віды
Вядома каля 100 відаў пашыраных па ўсім зямным шары[1].
Некаторыя віды:
- Aspergillus flavus
- Aspergillus flavus var. oryzae — Аспергіл жоўта-рысавы
- Aspergillus nidulans — Аспергіл гнездавы
- Aspergillus niger — Аспергіл чорны
- Aspergillus fumigatus — Аспергіл дымучы
- Aspergillus versicolor — Аспергіл рознакаляровы
Зноскі
Літаратура
- Аляксеева Т. Аспергіл // Энцыклапедыя прыроды Беларусі. У 5-і т. Т. 1. Ааліты — Гасцінец / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — 575 с., іл. — 10 000 экз.