Славутасць
Асабняк па вуліцы Леніна, 39
52°05′12″ пн. ш. 23°41′11″ у. д.
Краіна	Беларусь
Месцазнаходжанне	Брэст
Архітэктурны стыль	дварковы стыль[d]
Архітэктар	Юліян Лісецкі[d]
Будаўніцтва	1925—1927 гады
Статус	Гісторыка-культурная каштоўнасць Беларусі, шыфр 112Е000002

Асабняк — колішні жылы дом у гістарычным цэнтры Брэста, размешчаны па адрасе вуліца Леніна, 39. Цяпер у будынку размяшчаецца музей «Выратаваныя мастацкія каштоўнасці».

Гісторыя

Пабудаваны ў 1925—1927 гадах з цэглы па праекце польскага архітэктара Юліяна Лісецкага ў польскім нацыянальным дварковым (сядзібным) стылі (польск.: styl dworkowy)^[1]. Адрэстаўрыраваны ў 1987 г. спецыялістамі аб’яднання «Белрэстаўрацыя»^[2]. З 1986 года ў будынку размяшчаецца музей «Выратаваныя мастацкія каштоўнасці».

Архітэктура

План 1-га паверха

Скампанаваны з 2 аднолькавых двухкватэрных жылых секцый. Накрыты агульным мансардавым дахам. Уваходы вылучаны вынасным мезанінам на 2 калонках. З дваровага фасада ў кожнай секцыі выступае трохгранны двухпавярховы эркер з балконам. Планіроўка функцыянальна падзялялася па жылую і гаспадарчую часткі. Гаспадарчая мела самастойны ўваход з тарцовага фасада. Мансардавы паверх ідэнтычнай планіроўкі.

Зноскі

Літаратура

• 24. Жылы дом // Збор помнікаў гісторыі і культуры Беларусі / АН БССР. Ін-т мастацтвазнаўства, этнаграфіі і фальклору; Рэд. кал.: С. В. Марцэлеў (гал. рэд.) і інш. — Мн.: БелСЭ, 1984. — Брэсцкая вобласць. — 368 с., іл.

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх