Аршанскі дзяржаўны медыцынскі каледж
Дата заснавання 1925-27
Тып каледж
Дырэктар Уладзімір Уладзіміравіч Красоўскі
Размяшчэнне
Адрас Сцяг Беларусі Беларусь, 211388, Віцебская вобл., г. Орша, вул. Леніна, 195
ogmk.by

Аршанскі дзяржаўны медыцынскі каледж — установа сярэдняй спецыяльнай адукацыі г. Орша. Размяшчаецца па адрасе вул. Леніна, 195.

Гісторыя

Будынак былога рэальнага вучылішча, у якім арандавала памяшканні школа медсясцёр

У 1925—1927 гадах былі заснаваныя курсы медсясцёр у адной з гарадскіх школ. З 1 верасня 1936 года гэтыя курсы былі ператвораныя ў двухгадовую школу медсясцёр. У школе навучалася 90 чалавек.

Да 1937 года ў будынку Аршанскай водагразелячэбніцы размяшчаліся вячэрнія курсы медсясцёр, на якіх вучыліся жыхары горада без адрыву ад вытворчасці.

27 чэрвеня 1944 года Орша была вызвалена ад нацысцкіх захопнікаў і на пасяджэнні Аршанскага гарадскога савета было прынята рашэнне аб аднаўленні школы медсясцёр. Першы год займаліся ў жылым будынку льнокамбіната, затым перайшлі ў будынак СШ №1.

Школа медыцынскіх сясцёр у 1952 годзе

У 1954 годзе двухгадовая школа медсясцёр атрымала статус вучылішча, адкрыліся фельчарскае і акушэрскае аддзяленні. У красавіку 1956 года будынак знеслі, бо мост побач, па якім праходзіла траса Магілёў-Віцебск, зрабіўся аварыйным, і неабходна было тэрмінова будаваць новы.

Трэці раз вучылішча адкрылася ў студзені 1962 года на падставе загаду Міністэрства аховы здароўя БССР ад 16 верасня 1961 года. У 70-х гадах пачалося будаўніцтва новага будынка вучылішча. Вясной 1972 года вучылішча пераехала ў новы будынак. Тут мелася 9 аўдыторый, 17 кабінетаў, сталовая на 220 пасадачных месцаў, спартыўная зала, актавая зала на 500 месцаў, бібліятэка з чытальнай залай на 60 месцаў.

У 1988 годзе адкрыта новае стаматалагічнае аддзяленне на базе 11 класаў. У 1996 годзе адкрыта аддзяленне зубных тэхнікаў.

У 2006 годзе Аршанскае дзяржаўнае медыцынскае вучылішча становіцца Аршанскім дзяржаўным медыцынскім каледжам.

Дырэктары

  • да 1936(?) — Каўфман
  • 1936—1937 — Кагановіч
  • 1937—1941 — В. Л. Крацэр
  • 1944—1947 — Казакова
  • 1947—1953 — М. П. Усевіч
  • 1953—1956 — А. Заводчыкава
  • 1956—1958 — Булгак
  • 1962—1965 — К. Паморцава
  • 1965—1969 — А. П. Пятроў
  • 1969—1998 — А. І. Янкоўскі
  • з чэрвеня 1998 — Уладзімір Уладзіміравіч Красоўскі.

Спасылкі

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.