Аранеаморфныя павукі

Павук Callobius на чырвоным дрэве
Навуковая класіфікацыя
Міжнародная навуковая назва

Araneomorphae Millot, 1933[1]

Сінонімы
Даччыныя таксоны

Сістэматыка
на Віківідах
Выявы
на Вікісховішчы
NCBI  6905
EOL  3020326
FW  57471

Аранеаморфныя павукі (Araneomorphae) — інфраатрад павукоў (Araneae). Ва ўмераных шыротах людзі часцей за ўсё сутыкаюцца з павукамі з гэтай групы. Працягласць жыцця большасці прадстаўнікоў — каля года.

Хеліцэры павука Cheiracanthium punctorium. Відаць, што кіпцюрападобныя членікі складваюцца насустрач адзін аднаму.

Будова

Хеліцэры большасці прадстаўнікоў інфраатраду валодаюць лабідагнатнай будовай: іх другія членікі складваюцца ў медыяльным кірунку — насустрач адзін аднаму. У параўнанні з артагнатнымі хеліцэрамі павукоў інфраатраду Mygalomorphae, лабідагнатныя хеліцэры дазваляюць атакаваць больш буйную здабычу, з чым звязваюць вялікую колькасць карлікавых формаў у гэтай групе. Прадстаўнікі адной з груп інфраатраду — сямейства Hypochilidae — захоўваюць прымітыўную артагнатную будову хеліцэр і сляды раздзялення брушка на сегменты.

Таксанамія

Інфраатрад падзяляюць на два таксона:

  • Paleocribellatae — уключае адно сучаснае сямейства — Hypochilidae з 12 відамі;
  • Neocribellatae — каля 39 тысяч відаў, якія аб’ядноўваюцца ў 93 сямейства. Іх, у сваю чаргу, групуюць у тры серыі:
    • Gradunguleae — 2 сямейства c 27 відамі;
    • Haplogynae — 17 сямействаў, каля 3 650 відаў;
    • Entelegynae — 73 сямейства, каля 35 300 відаў.

Зноскі

  1. 1 2 Иванов А. В. Пауки, их строение, образ жизни и значение для человека. — Л.: ЛГУ, 1965. — 304 с.
  2. ↑ У некаторых крыніцах (напрыклад, Вестхайдэ, Рыгер, 2008) назву разглядаюць у якасці сіноніма толькі адной з дзвюх дачыных груп — Neocribellatae.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.