Антрацэн
Агульныя
Хім. формула	C₁₄H₁₀
Тэрмічныя ўласцівасці
Класіфікацыя
Рэг. нумар CAS	120-12-7
PubChem	8418
Рэг. нумар EINECS	204-371-1
SMILES	C1=CC=C2C=C3C=CC=CC3=CC2=C1
ChemSpider	8111

Антрацэ́н — араматычны вуглевадарод С₁₄Н₁₀. Малекулярная маса 178,24.

Жоўтыя крышталі з блакітнай флуарэсцэнцыяй, t_пл 218°C; растваральны ў спірце, эфіры, ацэтоне, нерастваральны ў вадзе. У высакачыстым стане — паўправаднік. Уступае ў рэакцыі далучэння з дыенафіламі, галагенамі, кіслародам, шчолачнымі металамі і інш.

Атрымліваюць з каменнавугальнай смалы. Выкарыстоўваюць для вытворчасці антрахінонавых фарбавальнікаў, монакрышталі — для сцынтыляцыйных лічыльнікаў. Антрацэн раздражняе скуру і слізістыя абалонкі дыхальных шляхоў і вачэй.

Літаратура

• Антрацэн // Беларуская энцыклапедыя: У 18 т. Т. 1: А — Аршын / Рэдкал.: Г. П. Пашкоў і інш. — Мн. : БелЭн, 1996. — Т. 1. — 552 с. — 10 000 экз. — ISBN 985-11-0035-8. — ISBN 985-11-0036-6 (т. 1).