Антоній Дзям'янка
Антоній Дзям'янка
Біскуп Пінскі
з 3 мая 2012
Царква Каталіцкая царква
дапаможны біскуп Мінска-Магілёўскай архідыяцэзіі
14 снежня 2004 — 3 мая 2012
1-ы Апостальскі адміністратар sede vacante і ad nutum Sanctae Sedis Мінска-Магілёўскай архідыяцэзіі
14 чэрвеня 2006 — 21 верасня 2007
Пераемнік Казімір Велікаселец[1]
1-ы генеральны сакратар Канферэнцыі каталіцкіх біскупаў Беларусі
з 1999
Царква Каталіцкая царква
Адукацыя
Дзейнасць каталіцкі святар, каталіцкі біскуп
Месца працы
Нараджэнне 1 студзеня 1960(1960-01-01) (64 гады)
Прыняцце свяшчэннага сану 28 кастрычніка 1980
Епіскапская хіратонія 29 верасня 1998
Лагатып Вікісховішча Медыяфайлы на Вікісховішчы

Антоній Дзям’я́нка (1 студзеня 1960) — беларускі рымска-каталіцкі царкоўны дзеяч.

Біяграфія

Нарадзіўся ў в. Заброддзе парафіі Дзераўная на Заходнім Палессі. Пасля заканчэння сярэдняй школы не атрымаў дазволу ад дзяржаўных уладаў на паступленне ў Рыжскую духоўную семінарыю. Святарскую фармацыю праходзіў пад кіраўніцтвам доктара тэалагічных навук, кс. прэлата Вацлава Пянткоўскага, тагачаснага Генеральнага вікарыя Пінскай дыяцэзіі.

Атрымаў сакрамант святарства 28 кастрычніка 1980. Да 26 красавіка 1985 не меў афіцыйнага дазволу ад дзяржаўных уладаў на святарскае служэнне і працаваў сакрыстыянінам і арганістам. У 1982-84 быў прызваны на вайсковую службу, якую праходзіў у Запаляр’і Мурманскай вобласці. З 1984 па 1998 быў пробашчам парафіі ў Навагрудку. З 1992 вучыўся ў Інстытуце сям’і Каталіцкай тэалагічнай акадэміі ў Варшаве, якую закончыў у 1996, атрымаўшы тытул магістра тэалогіі.

4 ліпеня 1998 Папа Ян Павел II прызначыў яго тытулярным біскупам Лесві і дапаможным біскупам Гродзенскай дыяцэзіі. 29 верасня таго ж года адбылося рукаўскладанне ў біскупа. 14 снежня 2004 загадам Яна Паўла II Антоній Дзям’янка быў вызвалены ад абавязкаў дапаможнага біскупа Гродзенскай дыяцэзіі і прызначаны дапаможным біскупам Мінска-Магілёўскай архідыяцэзіі. Быў прызначаны апостальскім адміністратарам архідыяцэзіі (14 чэрвеня 2006) пасля таго, як кардынал Казімір Свёнтак папрасіў вызваліць яго ад абавязкаў архібіскупа. Прызначаны генеральным вікарыем архідыяцэзіі пасля ўступлення на пасаду мінска-магілёўскага архібіскупа Тадэвуша Кандрусевіча.

3 мая 2012 ў Пінску было абвешчана рашэнне Папы Бенедыкта XVI аб прызначэнні Антонія Дзям’янкі біскупам Пінскай дыяцэзіі і вызваленні ад выканання абавязкаў дапаможнага біскупа Мінска-Магілёўскай архідыяцэзіі.

Зноскі

  1. ↑ З'яўляецца 2-ім Апостальскім адміністратарам Мінска-Магілёўскай архідыяцэзіі ў перыяд sede vacante з 3 студзеня 2020 года па цяперашні момант. У прамежак часу паміж 1-ым і 2-ім перыядамі sede vacante Мітрапалітам Мінска-Магілёўскім быў арцыбіскуп (потым кардынал-прэсвітар) Казімір Свёнтак.

Спасылкі

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.