Анатоль Мікалаевіч Бычак
Першы сакратар Мінскага абласнога камітэта КП Беларусі снежань 1990 — 25 жніўня 1991
Папярэднік	Анатоль Малафееў
Пераемнік	пасада скасаваная
Другі сакратар Мінскага абласнога камітэта КП Беларусі 1985 — снежань 1990
Папярэднік	Вячаслаў Кебіч
Нараджэнне	15 кастрычніка 1940(1940-10-15) Ануфравічы, Покрашаўскі сельсавет, Грэскі раён, Мінская вобласць, БССР, СССР
Смерць	2011 Мінск, Беларусь
Месца пахавання	Ануфравічы
Партыя	КПСС
Адукацыя	Беларуская дзяржаўная сельскагаспадарчая акадэмія (1970)
Узнагароды

Анато́ль Мікала́евіч Бы́чак (15 кастрычніка 1940, в. Ануфравічы, Слуцкі раён, Мінская вобласць — 2011, Мінск) — партыйны і дзяржаўны дзеяч БССР.

Біяграфія

Скончыў Жыровіцкі тэхнікум механізацыі сельскай гаспадаркі, факультэт механізацыі, тэхнік-механік (1960), Беларускую сельгасакадэмію, інжынер-механік (завочна, 1970)^[1].

Працаваў механікам калгаса «Рассвет» Слуцкага раёна, служыў у Савецкай Арміі (1961—1964). Пасля арміі працаваў майстарам вытворчага навучання СПТВ-23 (Смілавічы), інструктарам Чэрвеньскага РК КПБ. У 1966—1970 гадах — першы сакратар Чэрвеньскага райкама ЛКСМБ. У 1970—1975 гадах працаваў у Чэрвеньскім РК КПБ. З 1975 года — у Нясвіжскім раёне, спярша — сакратар у РК КПБ, у 1976—1981 гадах — старшыня выканкама Нясвіжскага райсавета, з 1981 года — першы сакратар Нясвіжскага райкама КПБ. У 1983—1985 гадах — першы сакратар Барысаўскага райкама КПБ^[1].

У 1985 годзе прызначаны другім сакратаром Мінскага абкама КПБ^[1].

Са снежня 1990 і да забароны камуністычнай партыі 25 жніўня 1991 года — першы сакратар Мінскага абкама. Пасля працаваў інжынерам па забеспячэнні на будуючымся Ваўкавыскім цэментным заводзе. Праз год ён быў прызначаны начальнікам аддзела статыстыкі Мінскага абласнога выканаўчага камітэта, дзе працаваў да пенсіі^[1].

Памёр у Мінску ў 2011 годзе^[1].

Узнагароды

• Ордэн «Знак Пашаны».

Крыніцы

Спасылкі

• Михаил ПЛАКСА. К 80-летию Минской области. Страницы истории Несвижчины (руск.). Нясвіжскія навіны (13 красавіка 2018).