Вёска Амяліна Краіна Беларусь Вобласць Брэсцкая Раён Брэсцкі Сельсавет Чарнаўчыцкі Каардынаты 52°13′31,50″ пн. ш. 23°46′47,50″ у. д. Насельніцтва ▲195 чал. (2019) Часавы пояс UTC+3 Тэлефонны код +375 16(2) Паштовы індэкс 225040 Аўтамабільны код 1 СААТА 1212846061 Амяліна на карце Беларусі ±

Амялі́на^[1] (трансліт.: Amialina, руск.: Омелино) — вёска ў Брэсцкім раёне Брэсцкай вобласці. Уваходзіць у склад Чарнаўчыцкага сельсавета. Размешчана за 21 км на поўнач ад Брэста, за 16 км ад чыгуначнай станцыі Матыкалы.

Цэнтр сельскагаспадарчага рэспубліканскага ўнітарнага даччынага прадпрыемства «Амялінна».

Гісторыя

Паводле пісьмовых крыніц вядома з XIX стагоддзя як вёска, цэнтр аднайменнага маёнтка — дзяржаўная ўласнасць у Брэсцкім павеце Гродзенскай губерні. У 1870 годзе адносілася да Цюхінскай сельскай грамады. У 1862 годзе пазначана ў ліку сёл Чарнаўчыцкага царкоўнага прыхода. У 1882 годзе дзейнічала царкоўна-прыходская школа. У 1897 годзе працаваў хлебазапасны магазін.

У 1905 годзе ў Турноўскай воласці Брэсцкага павета. Паводле Рыжскага мірнага дагавора 1921 года ў складзе Польскай Рэспублікі, у Турноўскай гміне Брэсцкага павета Палескага ваяводства.

З 1939 года ў складзе БССР. У Вялікую Айчынную вайну 6 вяскоўцаў загінулі, 3 прапалі без вестак.

Інфраструктура

• Клуб
• Магазін
• Жывёлагадоўчая ферма

Насельніцтва

• 247 рэвізскіх душ (1858)
• 66 двароў, 517 жыхароў (1897)
• 540 жыхароў (1905)
• 52 двары, 213 жыхароў (1921)
• 297 жыхароў (1959)
• 218 жыхароў (1970)
• 71 гаспадарка, 171 жыхар (2005)

Зноскі

Літаратура

• Гарады і вёскі Беларусі: Энцыклапедыя ў 15 тамах. Т. 3, кн. 1. Брэсцкая вобласць / пад навук. рэд. А. І. Лакоткі. — Мн.: БелЭн, 2006. ISBN 985-11-0373-X.

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх