Аляксандр Шумілін
Старшыня Дзяржаўнага камітэта па навуцы і тэхналогіях
15 кастрычніка 2013 — 21 снежня 2021
Прэзідэнт Аляксандр Лукашэнка
Кіраўнік урада Міхаіл Мясніковіч
Андрэй Кабякоў
Сяргей Румас
Раман Галоўчанка
Папярэднік Ігар Войтаў
Пераемнік Сяргей Шлычкоў
Нараджэнне 16 мая 1971(1971-05-16) (52 гады)
Адукацыя
Навуковая ступень доктар эканамічных навук (2016)
Навуковае званне
Месца працы
Узнагароды
ордэн Дружбы

Алякса́ндр Гена́дзевіч Шумі́лін (16 мая 1971[1], в. Куроўшчына, Бярозаўскі раён, Брэсцкая вобласць) — беларускі дзяржаўны дзеяч, старшыня Дзяржаўнага камітэта па навуцы і тэхналогіях[2] з 2013 па 2021 гады. Доктар эканамічных навук (2016)[3], дацэнт.

Біяграфія

Нарадзіўся 16 мая 1971 года ў в. Куроўшчына Бярозаўскага раёна Брэсцкай вобласці.

У 1993 годзе скончыў Беларускую дзяржаўную політэхнічную акадэмію[4].

Пасля завяршэння вучобы працаваў інжынерам кафедры Беларускай дзяржаўнай політэхнічнай акадэміі. У 1993—1996 гадах — аспірант.

У 1997—2008 гадах — асістэнт, старшы выкладчык, дацэнт, загадчык кафедры Беларускага нацыянальнага тэхнічнага ўніверсітэта.

У кастрычніку — лістападзе 2008 года — прарэктар па навучальнай рабоце Рэспубліканскага інстытута інавацыйных тэхналогій Беларускага нацыянальнага тэхнічнага ўніверсітэта.

У 2008—2010 гадах — галоўны саветнік Апарату Савета Міністраў Рэспублікі Беларусь.

У 2010—2011 гадах — прафесар кафедры дзяржаўнага будаўніцтва Інстытута дзяржаўнай службы Акадэміі кіравання пры Прэзідэнце Рэспублікі Беларусь.

У 2011—2012 гадах — загадчык кафедры дзяржаўнага будаўніцтва Інстытута дзяржаўнай службы Акадэміі кіравання пры Прэзідэнце Рэспублікі Беларусь.

У 2012—2013 гадах — дырэктар Беларускага інавацыйнага фонду.

З 15 кастрычніка 2013 года[2] па 21 снежня 2021 года працаваў старшынёй Дзяржаўнага камітэта па навуцы і тэхналогіях Рэспублікі Беларусь. 16 кастрычніка 2015 года пастановай Савета Міністраў № 870 у складзе Урада склаў свае паўнамоцтвы перад нававыбраным Прэзідэнтам Рэспублікі Беларусь[5], а 17 снежня 2015 года ўказам Прэзідэнта № 500 зноў зацверджаны на пасадзе старшыні камітэта[6].

У студзені 2022 года прызначаны акадэмікам-сакратаром Аддзялення фізікі, матэматыкі і інфарматыкі НАН Беларусі.[7]

Узнагароды

  • медаль «За ўклад у стварэнне Еўразійскага эканамічнага саюза» II ступені (2015)[8].

Зноскі

  1. ↑ Архіўная копія (руск.)(недаступная спасылка). Афіцыйны сайт камітэта па навуцы і тэхналогіях. Архівавана з першакрыніцы 18 мая 2015. Праверана 31 мая 2015.
  2. 1 2 Александр Лукашенко рассмотрел кадровые вопросы (руск.).
  3. ↑ 28 декабря 2016 года состоялось заседание Президиума Высшей аттестационной комиссии Республики Беларусь Архівавана 26 студзеня 2022.
  4. ↑ Шумілін Аляксандр Генадзьевіч. БЕЛТА.(недаступная спасылка)
  5. ↑ Архіўная копія (руск.)(недаступная спасылка). Архівавана з першакрыніцы 4 сакавіка 2016. Праверана 17 кастрычніка 2015.
  6. ↑ Назначаны члены ўрада Рэспублікі Беларусь. http://president.gov.by+(17 снежня 2015).
  7. ↑ На заседании Президиума и Бюро Президиума НАН Беларуси … // Навука. — 2022. — 25 студзеня. — С.3
  8. ↑ Решение Высшего Евразийского Экономического Совета от 8 мая 2015 года № 4 «О награждении медалью „За вклад в создание Евразийского экономического союза“» Архівавана 25 лютага 2021.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.