Аляксандр Іванавіч Перапяліцын

Аляксандр Іванавіч Перапяліцын
Аляксандр Іванавіч Перапяліцын
Нараджэнне	25 лютага 1913; Пакроўская слабада, Пакроўская воласць[d], Новаўзенскі павет[d], Самарская губерня, Расійская імперыя;
Смерць	15 жніўня 1967 (54 гады); Масква, РСФСР, СССР;
Дзейнасць	палітык
Узнагароды

Аляксандр Іванавіч Перапяліцын (25 лютага 1913, Пакроўск, Самарская губерня — 15 жніўня 1967, Масква) — беларускі і савецкі дзяржаўны дзеяч, супрацоўнік спецыяльных службаў СССР і БССР.

Старшыня КДБ пры СМ БССР (1954—1959), намеснік Старшыні КДБ пры СМ СССР (1959—1967). Генерал-маёр.

Біяграфія

Нарадзіўся 25 лютага 1913 года ў Пакроўску Самарскай губерні (цяпер — Энгельс Саратаўскай вобласці Расіі). Рускі.

У 1948 годзе завочна скончыў Вышэйшую партыйную школу пры ЦК ВКП(б). Працоўную дзейнасць пачаў у 1929 годзе слесарам паравознага дэпо станцыі Пакроўск. У 1933—1935 гадах праходзіў службу ў Рабоча-сялянскай Чырвонай арміі, затым да 1941 года працаваў слесарам, начальнікам пашпартнага стала аддзела прыёму і звальнення паравознага дэпо станцыі Пакроўск, абіраўся сакратаром вузлавога камітэта УЛКСМ і сакратаром вузлавога камітэта УКП(б) станцыі Пакроўск Разанска-Уральскай чыгункі.

У 1941—1944 гадах займаў пасады сакратара па прамысловасці і транспарту, другога сакратара Энгельскага гаркама УКП(б), з 1944 года — на партыйнай рабоце ў БССР — інструктар аддзела кадраў ЦК КП(б), намеснік загадчыка, загадчык адміністрацыйным аддзелам ЦК КП(б). У 1952 годзе па персанальным рашэнні ЦК КПСС накіраваны на працу ў органы дзяржаўнай бяспекі і прызначаны намеснікам Міністра дзяржаўнай бяспекі БССР.

З 6 красавіка 1954 года па 31 жніўня 1959 года — старшыня КДБ пры СМ БССР. У 1959—1967 гадах — намеснік Старшыні КДБ пры СМ СССР.

Памёр 16 жніўня 1967 года ў Маскве.

Узнагароды

Узнагароджаны ордэнам Працоўнага Чырвонага Сцяга, 7 медалямі.

Зноскі

Літаратура

Надтачаев В. Н. Военная контрразведка Беларуси: Судьбы, трагедии, победы. — Мн.: «Кавалер», 2008. — ISBN 978-985-6053-36-1
Перепелицын Александр Иванович // Генералы органов государственной безопасности Беларуси: краткий биографический справочник (1918—2001) / Авт.-сост. И. З. Юркин и др. — Мн.: Арнелла, 2001. — С. 43.

Спасылкі

Перапяліцын Аляксандр Іванавіч на сайце анлайн-энцыклапедыі «Беларусь у асобах і падзеях»

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.

Кіраўнікі савецкіх органаў дзяржбяспекі НК-ДПУ-АДПУ-НКУС-НКДБ-МДБ-КДБ Беларускай ССР
Старшыні Надзвычайнай Камісіі БССР	Віктар Яркін (1918 — 1920) • Аляксандр Ротэнберг (1920 — 1921)
Старшыні Дзяржаўнага Палітычнага Упраўлення БССР	Ян Ольскі (1921 — 1923) • Станіслаў Пінталь (1923 — 1924) • Піліп Мядзведзь (1924 — 1925) • Раман Піляр (1925 — 1929) • Рыгор Рапапорт (1929 — 1931) • Станіслаў Рэдэнс (1931) • Герман Матсон (1931 — 1932) • Леанід Закоўскі (1932 — 1934)
Народныя камісары ўнутраных спраў БССР	Леанід Закоўскі (1934) • Ізраіль Ляплеўскі (1934 — 1936) • Георгій Малчанаў (1936 — 1937) • Барыс Берман (1937 — 1938) • Аляксей Наседкін (1938) • Лаўрэнцій Цанава (1938 — 1941)
Міністры дзяржаўнай бяспекі БССР	Лаўрэнцій Цанава (1943 — 1951) • Міхаіл Баскакаў (1952 — 1953)
Старшыні Камітэта дзяржаўнай бяспекі БССР	Аляксандр Перапяліцын (1954 — 1959) • Васіль Пятроў (1959 — 1970) • Якаў Нікулкін (1970 — 1980) • Веніямін Балуеў (1980 — 1990) • Эдуард Шыркоўскі (1990 — 1991)