Алоіс Райнер
ням.: Alois Georg Josef Rainer
член бундэстага Германіі[d]
22 кастрычніка 2013 — 24 кастрычніка 2017
член бундэстага Германіі[d]
24 кастрычніка 2017 — 26 кастрычніка 2021
член бундэстага Германіі[d]
з 26 кастрычніка 2021
Нараджэнне 7 студзеня 1965(1965-01-07)[1] (59 гадоў)
Бацька Алоіс Райнер
Партыя
Член у
Дзейнасць палітык
Сайт alois-rainer.com
Лагатып Вікісховішча Медыяфайлы на Вікісховішчы

Алоіс Георг Ёзэф Райнер (ням.: Alois Georg Josef Rainer; нар. 7 студзеня 1965, Штраўбінг, ФРГ) — нямецкі мяснік і палітык Хрысціянска-сацыяльнага саюза ў Баварыі, які з 2013 года з’яўляецца дэпутатам Бундэстагу ад зямлі Баварыя.

Ранняе жыццё і адукацыя

Райнер вырас у Хайбаху ў Баварскім Лесе (Ніжняя Баварыя) на мясной ферме з гасцініцай. З 1980 па 1983 год навучаўся на мясніка, пасля чаго служыў у арміі. Пасля сдачы кваліфікацыйных іспытаў у 1986 годзе ўзначаліў мясны бізнес сваіх бацькоў у 1987 годзе. Ён і сёння кіруе ім разам з сынам Маркусам.

Палітычная кар’ера

Райнер упершыню стаў дэпутатам Бундэстагу на парламенцкіх выбарах у Германіі 2013 года[2]. У парламенце працаваў у камітэце па бюджэце і рэвізійнай камісіі з 2013 па 2019 год; у гэтай якасці быў дакладчыкам сваёй парламенцкай групы па гадавым бюджэце Федэральнага міністэрства па справах сям’і, пажылых грамадзян, жанчын і моладзі. З 2019 года з’яўляецца членам Камітэта па транспарце і лічбавай інфраструктуры, дзе выступае прэс-сакратаром сваёй парламенцкай групы[3].

Палітычная пазіцыя

У чэрвені 2017 года Райнер прагаласаваў супраць увядзення аднаполых шлюбаў у Германіі[4]. 14 верасня 2021 года ўзяў шэфства над Марынай Золатавай, галоўнай рэдактаркай «TUT.BY» і беларускай палітычнай зняволенай[5].

Асабістае жыццё

Яго бацька Алоіс Райнер (1921–2002) быў дэпутатам зямельнага парламента, а з 1965 па 1983 год і Бундэстагу. Яго старэйшая сястра Герда Хасельфельдт таксама была дэпутатам Бундэстагу, з 2017 года ўзначальвае Чырвоны Крыж Германіі[6]. Алоіс Райнер жанаты і мае двух дзяцей. Ён мае рымска-каталіцкае веравызнанне[7].

Зноскі

  1. ↑ Stammdaten aller Abgeordneten des Deutschen Bundestages Праверана 13 красавіка 2018.
  2. ↑ Alois Rainer.
  3. ↑ German Bundestag — Transport and Digital Infrastructure.
  4. ↑ Diese Unionsabgeordneten stimmten für die Ehe für alle Die Welt, June 30, 2017.
  5. ↑ Members of Parliament from Finland, Ireland and Germany adopt political prisoners Yuliya Kashaverava, Pavel Mazko and Maryna Zolatava (англ.). Libereco — Partnership for Human Rights (14 верасня 2021). Архівавана з першакрыніцы 15 верасня 2021. Праверана 24 верасня 2021.
  6. ↑ Robert Roßmann (August 20, 2013), Eine Familie in der Politik: Die Hasselfeldts Süddeutsche Zeitung.
  7. ↑ Abgeordnete. Бундэстаг. Праверана 31 мая 2021.

Спасылкі

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.