Алесь Чобат

Алесь Чобат
Алесь Чобат
Асабістыя звесткі
Дата нараджэння	23 жніўня 1959 (64 гады)
Месца нараджэння	Скідзель, Скідзельскі раён, Гродзенская вобласць, БССР, СССР;
Грамадзянства	Беларусь;
Альма-матар	Беларускі дзяржаўны тэхналагічны ўніверсітэт;
Прафесійная дзейнасць
Род дзейнасці	эсэіст, публіцыст, пісьменнік, паэт
Мова твораў	беларуская
Грамадская дзейнасць
Член у	Саюз беларускіх пісьменнікаў;

Алесь Чобат (23 жніўня 1959, Скідзель, Гродзенская вобласць) — беларускі паэт, празаік, публіцыст, эсэіст.

Біяграфія

У 1981 годзе скончыў Беларускі тэхналагічны інстытут у Мінску. Працаваў тэхнолагам, канструктарам ліцейных формаў, начальнікам КБ і вядучым канструктарам на заводах «Аўтамагнітол» і ВА «АзотС» у Гродна. Ад снежня 1989 да красавіка 1990 года — намеснікам старшыні Гродзенскай Рады БНФ «Адраджэньне» і каардынатар выбарчай кампаніі Рэгіянальнага блока «Саветы-1990» на выбарах у Вярхоўны Савет ХІІ склікання. Працаваў супрацоўнікам бюро прапаганды мастацкай літаратуры пры Саюзе пісьменнікаў БССР, рэпарцёрам і аглядальнікам тыднёвікаў «Перспектива», «Гродненские новости», «Гродненская неделя», навуковым супрацоўніка Музея Максіма Багдановіча ў Гародні.

Зімой 2013 года перанёс гематому правага вока, цалкам страціў зрок. Інвалід першай групы. Жыве ў Скідзелі.

Аўтар шэрагу кніг, шматлікіх гісторыка-псіхалагічных эсэ, апавяданняў, хронік і біяграфій. Належыць да Саюза беларускіх пісьменнікаў (з 1993) і Міжнароднага ПЕН-клуба (з 1995). Адзін з пачынальнікаў тэарэтычнай крэсалогіі. Перакладае з польскай мовы. Пераклаў на беларускую мову многія вершы Чэслава Мілаша.^[1]

У 2017 годзе вакаліст гродзенскага гурта Dzieciuki Алесь Дзянісаў прэзентаваў сольны музычны альбом «Кароткая гісторыя Беларусі» з 25 песнямі на вершы Алеся Чобата. Назву альбому даў зборнік паэта 2014 года. Музыка працаваў над альбомам цягам двух гадоў.^[2]

Бібліяграфія

Год: вершы / Алесь Чобат. — Мінск: Мастацкая літаратура, 1992. — 78, [1] с. — (Першая кніга паэта).
Новая Галілея: Вершы / Алесь Чобат. — Мн.: Маст. лит., 1995. — 110 с.
«Ты не самотны…» / Данута Бічэль, Алесь Чобат: Зб. вершаў. — Гродна: Абл. узбуйн. друк., 1997. — 78 с.
Тутэйшая Сага: Зб. вершаў / Алесь Чобат. — Смоленск. — Гродна, 2000. — 133 с. — (Бібліятэка часопіса «Годы»).
Зямля св. Лукі / Алесь Чобат. — Крынкі: Sokrates, 2002. — 211 с.
Легенда пра чатырох мушкецёраў. — Крынкі, 2004.
Край мой шчаслівы: кніга тысячы радкоў для дзяцей і для бацькоў / Алесь Чобат. — Мінск: Про Хрысто, 2007. — 71 с.
Кароткая гісторыя Беларусі. — Гродна: ЮрСаПрынт, 2014.
На дзікай прэрыі над Контрай, Гаўяй і Шчарай. Кніга выбраных апавяданняў. — Гродна: ЮрСаПрынт, 2014. — 188 с.
Планета / Алесь Чобат; пад рэд. Д. Я. Бічэль. — Гродна: ЮрСаПрынт, 2016. — 127 с.

Крыніцы

↑ Квінтэсэнцыя творчых пошукаў: у Гродне прэзентавалі новую кнігу Алеся Чобата (бел.). Hrodna.life (11 лістапада 2016). Праверана 15 лютага 2024.
↑ Алесь Дзянісаў прэзентаваў сольны альбом «Кароткая гісторыя Беларусі» на вершы Алеся Чобата (бел.). Hrodna.life (2 чэрвеня 2017). Праверана 15 лютага 2024.

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.

[1] Квінтэсэнцыя творчых пошукаў: у Гродне прэзентавалі новую кнігу Алеся Чобата (бел.). Hrodna.life (11 лістапада 2016). Праверана 15 лютага 2024.

[2] Алесь Дзянісаў прэзентаваў сольны альбом «Кароткая гісторыя Беларусі» на вершы Алеся Чобата (бел.). Hrodna.life (2 чэрвеня 2017). Праверана 15 лютага 2024.

[1]

[2]