Вонкавы від уцёса

Аджа́нта (Adjanta), Пячоры Аджанты — комплекс будыйскіх манастыроў 2 ст. да н.э. — 7 ст. н. э., высечаных у скалах каля пасёлка Аджанта ў штаце Махараштра ў Індыі.

Складаецца з 29 пячорных залаў: 4 «чайцья» (малельныя залы) і 25 «віхар» (квадратныя залы, акружаныя з трох бакоў келлямі).

Сусветна вядомая насценная размалёўка пячор вызначаецца багаццем фантазіі, прыгажосцю колеру і рытму. Жывапіс, што захаваўся ў фрагментах, — ілюстрацыі да будыйскай міфалогіі, але ў ім шырока паказана карціна індыйскага побыту таго часу.

Літаратура

• Аджанта // Беларуская энцыклапедыя: У 18 т. Т. 1: А — Аршын / Рэдкал.: Г. П. Пашкоў і інш. — Мн. : БелЭн, 1996. — Т. 1. С. 101.

Спасылкі

Сусветная спадчына ЮНЕСКА, аб’ект № 242 рус. • англ. • фр.

• На Вікісховішчы ёсць медыяфайлы па тэме Аджанта
• Пячорныя храмы Аджанты Архівавана 10 лістапада 2007. (руск.)