Іосіф III
мітрапаліт Кіеўскі, Галіцкі і ўсяе Русі
1523 — 1534
архіепіскап полацкі
1513 — 1522
Дзейнасць святар
Смерць 1534

Іосіф III, свецкае імя Ігнацій[1] (? — 1534) — архіепіскап полацкі (1513/1514[1]—1522), мітрапаліт Кіеўскі, Галіцкі і ўсяе Русі (1523—1534).

Біяграфія

Полацкі баярын, меў уладанні на Сушы, але не спадчанныя родавыя, а набытыя. Да пастрыжэння быў жанаты і меў сыноў Івана і Міхаіла[1], а таксама невядомую імем дачку[2].

З 1513/1514 года архіепіскап полацкі. Адзін з першых полацкіх архіепіскапаў, хто пад уплывам моды змясціў на ўладычай пячатцы ўласны гербавы знак[1]. На стальцы клапаціўся пра матэрыяльны стан і правы праваслаўных.

Пасля смерці мітрапаліта кіеўскага Іосіфа II Солтана ў 1521 годзе, абраны на мітрапалічы сталец у пачатку 1522 года. У 1523 годзе з блаславення патрыярха іерусалімскага Іераміі ўзведзены ў сан мітрапаліта[3].

Пры ім зноў разгарэлася варожасць паміж каталікамі і праваслаўнымі, абаронцам апошніх выступаў князь Канстанцін Астрожскі.

Памёр у 1534 годзе. Летапісец называе яго невучоным і блізарукім[4].

Пячатка

Адбітак архіепіскапскай пячаткі захаваўся на лісце ад 23 снежня 1515 года, на ёй змешчана геральдычная тарча з клейнавай выявай і надпіс у атоку «ВЛ(а)Д(ы)КА П(о)Л(о)ЦКН(й) Н В(и)Т(е)БС(кий) Н МСТ(и)СЛ(а)В(с)К(ий)».[1]

Крыніцы

  1. 1 2 3 4 5 Галубовіч 2014, с. 49.
  2. ↑ Галубовіч 2014, с. 50.
  3. ↑ Иосиф (Рустин) // Русский биографический словарь : в 25-ти томах. — СПб.—М., 1896—1918. (руск.)
  4. ↑ Иосиф III // Энциклопедический словарь Брокгауза и Ефрона: В 86 томах (82 т. и 4 доп.) (руск.). — СПб., 1890—1907.

Літаратура

  • Варонін В. Полацкія архіепіскапы першай паловы XVI ст. (біяграфічныя матэрыялы) / В. Варонін // Silva rerum nova. Штудыі ўгонар 70-годдзя Георгія Я. Галенчанкі. — Вільня, 2006. — С. 60-67.
  • Галубовіч В. У. Гербавая пячатка полацкага баярына Івана Мітраполі (генеалагічна-сфрагістычны нарыс) // Беларускае Падзвінне: вопыт, методыка і вынікі палявых і міждысцыплінарных даследаванняў : зборнік навуковых артыкулаў II міжнароднай навуковай канферэнцыі (Полацк, 17-18 красавіка 2014г.) : да 20-годдзя археалагічных і этнаграфічных экспедыцый ПДУ : у 2 частках / Міністэрства адукацыі Рэспублікі Беларусь, Полацкі дзяржаўны ўніверсітэт ; [рэдакцыйная калегія : Д.У. Дук, В.А. Емяльянчык, А.І. Корсак, У.А. Лобач і іншыя]. — Наваполацк: ПДУ, 2014. — Vol. 2. — С. 48-53. Архівавана з першакрыніцы 2 лістапада 2018.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.