Індэксны фонд – від паявога інвестыцыйнага фонду, які прытрымліваецца індэкснай інвестыцыйнай стратэгіі.[1] Правілы пабудовы індэкснага фонду вызначаюць тып кампаній, прыдатных для фонду.[2] Самы вядомы з індэксных фондаў, – «Vanguard 500 Index Fund», – дзейнічае на аснове індэкса S&P 500.[3]

Гісторыя

24 мая 1967 г. Рычард Ален Біч заснаваў кампанію Qualidex, Fund, Inc. У кастрычніку 1970 г. кампанія была заяўлена як фонд, заснаваны на індэксе Доў-Джонс 30 (DJI 30). Адпаведная рэгістрацыя была атрымана 31 ліпеня 1972 года. Гэта быў першы ў гісторыі індэксны фонд.[4]

Перавагі

З пункту гледжання інвестара, галоўная перавага індэксных фондаў – гэта максімальная прастата стратэгіі, адным са следстваў якой з'яўляюцца мінімальныя выдаткі на кіраванне. Тыповыя зборы вар'іруюцца ад 0,1% для буйных кампаній ЗША да 0,7% для рынкаў, якія развіваюцца. У сярэднім актыўна кіраваны ўзаемны фонд спаганяе камісію ў памеры 1,15%.[5] Большасці інвестараў таксама цяжка перасягнуць паказчыкі індэкса S&P 500.[6]

Такая інвестыцыйная стратэгія аўтаматычна прадугледжвае дыверсіфікацыю партфеля, бо інвестар, калі купляе індэкс, валодае невялікай доляй ва ўсіх кампаніях, уключаных у індэкс.[7]

Недахопы

Галоўным недахопам індэксных фондаў з'яўляецца сляпое аўтаследаванне за рынкам, у выніку чаго інвестар становіцца вельмі ўразлівым да рыначных бурбалак.

Калі правілы разліку індэкса настроены няправільна, магчымы рост індэкса, нават нягледзячы на ​​тое, што кампаніі, якія ўваходзяць у індэкс, у цэлым скарачаюцца. У гэтым выпадку людзі, якія ўклалі ў індэкс, могуць страціць. У сярэднім па ўсіх індэксных фондах памылка ў разліку індэкса складае 38 базісных пунктаў.[8]

З прычыны павышанага попыту на індэксны фонд у кампаніі, якую дадаюць у папулярны індэкс, можа быць шок попыту, а ў кампаніі, якую выдаляюць з падобнага індэксу, можа быць шок прапановы, і гэта мяняе цану.

Зноскі

  1. ↑ What Is an Index Fund?. investopedia.com. Праверана 29 сакавіка 2022.
  2. ↑ Do-It-Yourself Index Funds: A Smarter Way to Own the Index?. kiplinger.com. Праверана 29 сакавіка 2022.
  3. ↑ Vanguard 500 Index Fund Admiral Shares (VFIAX). investor.vanguard.com. Праверана 29 сакавіка 2022.
  4. ↑ Brokers for Trading Indices Guide. comparebrokers.co. Праверана 29 сакавіка 2022.
  5. ↑ Introduction to Fees. ifa.com. Праверана 29 сакавіка 2022.
  6. ↑ Stock Pickers Have Tough Time in 2014. wsj.com. Праверана 29 сакавіка 2022.
  7. ↑ What’s an index fund?. theconversation.com. Праверана 29 сакавіка 2022.
  8. ↑ Tracking Errors of Exchange Traded Funds and Index Funds. digitalcommons.sacredheart.edu. Праверана 29 сакавіка 2022.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.