Індыянскі ўсходні ўніверсітэт (англ.: Indiana University East) — амерыканская дзяржаўная вышэйшая навучальная ўстанова са статусам універсітэта, якая месціцца ў горадзе Рычманд у штаце Індыяна, ЗША.

Агульная характарыстыка

Вучэльня з'яўляецца часткай сістэмы Індыянскага ўніверсітэта і абслугоўвае ўсходнюю Індыяну і заходняе Агая. Яна заснавана ў 1971 годзе апякунскім саветам Індыянскага ўніверсітэта. Кампус налічвае пяць будынкаў і тэрыторыю ў 174 гектары. Універсітэт налічвае 60 праграм вышэйшай адукацыі, якія прапануюць атрыманне ступеняў бакалаўра і магістра ў галіне бізнесу, адукацыі, гуманітарных і сацыяльных навук, прыродазнаўства і матэматыкі, інфарматыкі, медыцынскіх навук і інш.

Структура

• Школа бізнесу і эканомікі
• Школа адукацыі
• Школа сацыяльна-гуманітарных навук
• Школа прыродазнаўчых навук і матэматыкі
• Школа медсястрынства і навук пра здароўе
• Школа сацыяльнай працы

Гл. таксама

• Спіс універсітэтаў штата Індыяна

Заўвагі

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх
• Афіцыйная інтэрнэт-старонка ўстановы