Ізраіль Майсеевіч Ляплеўскі

Ізраіль Майсеевіч Ляплеўскі
Ізраіль Майсеевіч Ляплеўскі
	10 снежня 1934 — 28 лістапада 1936
Папярэднік	Леанід Закоўскі
Пераемнік	Георгій Малчанаў
Нараджэнне	1896; Брэст, Брэсцкі павет, Гродзенская губерня, Літоўскае генерал-губернатарства, Расійская імперыя;
Смерць	28 ліпеня 1938; Масква, РСФСР, СССР;
Месца пахавання	Расстрэльны палігон «Камунарка»;
Партыя	Камуністычная партыя Савецкага Саюза; Бунд;
Дзейнасць	палітык, ваенны
Месца працы	НКУС БССР; Народны камісарыят унутраных спраў СССР; АДПУ пры СНК СССР;
Чын	камісар дзяржбяспекі 2–га рангу[d];
Аўтограф
Прыналежнасць	СССР
Бітвы	Першая сусветная вайна;
	Медаль «XX гадоў Рабоча-Сялянскай Чырвонай Арміі»
	Медыяфайлы на Вікісховішчы

Ізра́іль Майсе́евіч Ляпле́ўскі (1894, Брэст-Літоўск — 28 ліпеня 1938, расстрэльны палігон «Камунарка», Масква) — беларускі, украінскі і савецкі дзяржаўны дзеяч. Камісар дзяржбяспекі 2-га рангу, кіраўнік НКУС БССР (1934—1936). Брат Р. М. Ляплеўскага.

Біяграфія

Нарадзіўся ў 1894 годзе ў Брэст-Літоўску ў яўрэйскай сям’і. У 1914—1917 гадах служыў у Расійскай арміі. Удзельнік грамадзянскай вайны. Член РСДП(б) з лютага 1917 года.

У органах ВЧК з 1918 года ў Саратаве, Екацерынаславе. У 1923—1925 гадах — начальнік Падольскага губернскага аддзела ДПУ. У 1925—1934 гадах — начальнік ДПУ Адэскай губерні, намеснік старшыні ДПУ УССР, начальнік Асобага аддзела ДПУ Масквы, паўнамоцны прадстаўнік АДПУ Саратаўскага краю.

Са снежня 1934 года па лістапад 1936 года — народны камісар унутраных спраў БССР. У 1936—1937 гадах — намеснік народнага камісара ўнутраных спраў СССР, затым — народны камісар унутраных спраў УССР, начальнік 6-га аддзела ГУДБ НКУС СССР.

Арыштаваны 26 красавіка 1938 года. Прыгавораны 28 ліпеня 1938 года Ваеннай Калегіяй Вярхоўнага суда СССР па артыкулах 58-1 «б», 58-11 КК РСФСР за ўдзел у «антысавецкай арганізацыі правых» да вышэйшай меры пакарання. Прыгавор прыведзены ў выкананне ў Маскве ў той жа дзень.

9 ліпеня 2013 года Судовай калегіяй па справах ваеннаслужачых Вярхоўнага суда Расійскай Федэрацыі прызнаны не падлягаючым рэабілітацыі.

Дзейнасць

У 1930 годзе выступіў арганізатарам рэпрэсіўнай аперацыі АДПУ «Вясна» па «зачыстцы» шэрагаў Чырвонай Арміі ад ваенных спецыялістаў былой Расійскай імператарскай арміі і грамадзянскіх асоб з ліку былых белых афіцэраў. За 1930—1931 гады па сфабрыкаванай справе «Вясна» следчымі АДПУ было прыцягнута 2.010 чалавек: 305 вайскоўцаў і 1.705 грамадзянскіх асоб. 573 з іх былі расстраляныя, іншыя прыгавораны да працяглых тэрмінаў зняволення.

Узнагароды

Літаратура

Энцыклапедыя гісторыі Беларусі. У 6 т. Т. 4: Кадэты — Ляшчэня / Рэдкал.: Г. П. Пашкоў (галоўны рэд.) і інш.; Маст. Э. Э. Жакевіч. — Мн. : БелЭн, 1997. — С. 425. — 10 000 экз. — ISBN 985-11-0041-2.

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.

Слоўнікі і энцыклапедыі	Сучаснай Украіны
Генеалогія і некрапалістыка	Rodovid

Кіраўнікі савецкіх органаў дзяржбяспекі НК-ДПУ-АДПУ-НКУС-НКДБ-МДБ-КДБ Беларускай ССР
Старшыні Надзвычайнай Камісіі БССР	Віктар Яркін (1918 — 1920) • Аляксандр Ротэнберг (1920 — 1921)
Старшыні Дзяржаўнага Палітычнага Упраўлення БССР	Ян Ольскі (1921 — 1923) • Станіслаў Пінталь (1923 — 1924) • Піліп Мядзведзь (1924 — 1925) • Раман Піляр (1925 — 1929) • Рыгор Рапапорт (1929 — 1931) • Станіслаў Рэдэнс (1931) • Герман Матсон (1931 — 1932) • Леанід Закоўскі (1932 — 1934)
Народныя камісары ўнутраных спраў БССР	Леанід Закоўскі (1934) • Ізраіль Ляплеўскі (1934 — 1936) • Георгій Малчанаў (1936 — 1937) • Барыс Берман (1937 — 1938) • Аляксей Наседкін (1938) • Лаўрэнцій Цанава (1938 — 1941)
Міністры дзяржаўнай бяспекі БССР	Лаўрэнцій Цанава (1943 — 1951) • Міхаіл Баскакаў (1952 — 1953)
Старшыні Камітэта дзяржаўнай бяспекі БССР	Аляксандр Перапяліцын (1954 — 1959) • Васіль Пятроў (1959 — 1970) • Якаў Нікулкін (1970 — 1980) • Веніямін Балуеў (1980 — 1990) • Эдуард Шыркоўскі (1990 — 1991)