Ігнат Дуброўскі
Асабістыя звесткі
Дата нараджэння	22 жніўня (4 верасня) 1906 ці 1906[1][2]
Месца нараджэння	Дуброва, Астрашыцка-Гарадоцкая воласць[d], Мінскі павет, Мінская губерня, Расійская імперыя
Дата смерці	2003[1][2]
Грамадзянства	Беларусь
Дзеці	Тамара Ігнатаўна Чарняўская
Альма-матар	Беларуская дзяржаўная сельскагаспадарчая акадэмія
Месца працы	Усесаюзны інстытут эканомікі сельскай гаспадаркі[d] Інстытут эканомікі НАН Беларусі
Прафесійная дзейнасць
Род дзейнасці	пісьменнік, паэт, эканаміст
Мова твораў	беларуская
Грамадская дзейнасць
Член у	Саюз пісьменнікаў СССР
Узнагароды	Грамата Прэзідыума Вярхоўнага Савета БССР

Ігнат Дуброўскі (літ. псеўданім), сапр. Ігнат Цімафеевіч Чарняўскі (нар. 4 верасня 1906, в. Дуброва, цяпер Смалявіцкі раён, Мінская вобласць — 2003; Іншыя псеўданімы: І.Сярмяжны) — беларускі празаік, паэт, нарысіст. Навуковец у галіне сельскай гаспадаркі. Кандыдат сельскагаспадарчых навук (1937). Заслужаны работнік культуры БССР (1981).

Біяграфія

Нарадзіўся ў сялянскай сям’і. Працаваў загадчыкам магазіна спажывецкай кааперацыі ў сваёй вёсцы, справаводам сельсавета, загадчыкам аддзела прапаганды, затым сакратаром райкома камсамола ў Астрашыцкім Гарадку. У 1928—1929 гг. служыў у Чырвонай Арміі. Скончыў Беларускую сельскагаспадарчую акадэмію ў Горках (1931) і аспірантуру пры Усесаюзным інстытуце эканомікі сельскай гаспадаркі ў Маскве (1937). Працаваў намеснікам дырэктара гэтага інстытута па навучальнай частцы. З 1937 г. — загадчык сектара аграрных праблем Інстытута эканомікі АН БССР.

У пачатку Вялікай Айчыннай вайны быў эвакуіраваны з сям’ёй у Пензу, дзе працаваў начальнікам упраўлення абласнога зямельнага аддзела. 27 лістапада 1941 г. пайшоў на фронт, камандаваў батарэяй, удзельнічаў у баях пад Масквой. Быў камадзірам батарэі 10 артылерыйскага палка 338 стралковай дывізіі. Як бачна з дакументаў «Донесение о потерях», якія знаходзяцца на сайце «Память народа» лейтэнант Чярняўскі І. Ц. прапаў без вестак 4 красавіка 1942 года ў баі пад Вязьмай. Але ён не прапаў. А быў кантужаны і ў непрытомнасці трапіў у фашысцкі палон, дзе стаў адным з арганізатараў падпольных груп, якія вялі прапаганду сярод палонных, каб прадухіліць іх уступленне ў здрадніцкую армію, што фарміравалася фашыстамі з рускіх палонных. 2 мая 1945 г. быў вызвалены з канцлагера для палонных савецкіх афіцэраў у Франкфурце-на-Майне. Згодна Загада Галоўнага упраўлення кадраў узброенных сіл Саюза СССР № 02602 ад 15 лістапада ў адносінах яго быў адменены загад аб выключення з спісаў афіцераў, якія загінулі, ці прапалі без вестак. І як бачна з дакументаў, да гэтага ён прайшоў спецправерку і быў адпраўлены ў 5-ю запасную стралковаю дывізію Чырвонай Арміі.

У 1946—1976 — зноў загадваў сектарам аграрных праблем Інстытута эканомікі АН БССР. Член Саюза пісьменнікаў СССР (з 1951).

З 1937 па 1976 г. займаўся навуковай працай. Даследаваў эканоміку сельскай гаспадаркі Беларусі. Аўтар шэрагу навуковых прац па праблемах развіцця сельскай гаспадаркі, працы сельскагаспадарчай тэматыкі падпісваў сапраўдным імем.

Літаратурная творчасць

Дэбютаваў вершамі ў 1927 годзе. Да літаратурнай працы вярнуўся пасля вайны, пачаў пісаць празаічныя творы, нарысы. Аўтар аповесцей «Зямля маладзее» (1952), «Зямныя вузлы» (1967), зборнікаў апавяданняў «Радня» (1954), «Паўз самыя вокны» (1961) і нарысаў «Светлы шлях» (1959), «Да долі чалавечай» (1970), «Гамоніць Палессе» (1977), «На новыя кругі» (1980), «Час сеяць і час жаць» (1982), «Красна хата не толькі пірагамі» (1988). Аўтар крытычнага даследавання нарыса «Нялёгкі хлеб» (1990). Пачынальнік аналітычнага нарысу ў беларускай літаратуры.

Сям’я

Пакінуў дачку Тамару Чарняўскую (нар. 1934), якая стала архітэктарам.

Узнагароды

• ордэн «Знак Пашаны».
• ордэн Дружбы народаў.
• Айчыннай вайны II ступені.
• тры Ганаровыя граматы Вярхоўнага Савета БССР.
• Грамата Вярхоўнага Савета БССР.

Творы па эканімікі сельскай гаспадаркі

• За сталинские урожаи в колхозах БССР: Из опыта борьбы передовых колхозов и стахановцев за высокие урожаи / И.Чернявский, С.Миклуш, К.Гончаров. — Мн. : Изд-во Акад. наук БССР, 1939. — 39 с.
• Колхозы Туровского района / И.Чернявский. — Мн. : Гос. изд-во БССР. Ред. с.-х. лит., 1940. — 86с. — (Библиотека стахановского опыта)
• Агротехника ефремовских звеньев и передовых колхозов по зерновым культурам / И. Г. Власенко, Д. И. Ладысев. — Минск : Издательство Академии наук БССР, 1940. — 39с.
• Успехи в работе Фанипольской МТС. — Мн. : Гос. изд-во БССР, 1946. — 38с.
• Перспективы свеклосеяния и развития сахарной промышленности в БССР. — Мн. : Изд-во Акад. наук, 1948. — 55 с.
• Организация труда в колхозах. — Мн. : Изд-во Акад. наук Бел. ССР, 1951. — 40 с.
• "…Белорусская ССР: очерки экономической географии / [Е. Я. Соболев и др.]. — Минск : Издательство Академии наук БССР, 1953. — 430, [2] с., [1] л. карт.
• Как исчислить производственные затраты в колхозе: Стеногр. лекции, прочит. на респ. семинаре экономистов. — Мн., 1956. — 45 с.
• Белорусская ССР / [Ф. С. Мартинкевич и др. — Москва : Географгиз, 1957. — 486с.
• "…Экономическая эффективность известкования кислых почв / И. Т. Чернявский, В. А. Гусаков. — Мн. : Изд-во Акад. с.-х. наук БССР, 1959.
• Nams saules pusē: [tulkojums no baltkrievu valodas] / [sastādījis Česlavs Kindzulis]. — Rīgā : Latvijas valsts izdevniecība, 1960. — 340с.
• Экономическая оценка земель и внедрение хозрасчета в колхозах / И. Т. Чернявский, Л. Н. Суровый. — Мн. : Гос. изд-во с.-х. лит. БССР, 1962. — 34c.
• Экономическая оценка земель и ее применение в сельском хозяйстве / А. Г. Медведев, Л. Н. Суровый, И. Т. Чернявский. — Мн. : Урожай, 1964. — 74 с. иги
• Основные направления капитальных вложений в сельское хозяйство / Ин-т экономики АН БССР. — Мн.: 1974. — 322с.

Зноскі

Літаратура

• Ігнат Дуброўскі // Беларускія пісьменнікі: Біябібліяграфічны слоўнік. У 6 т. / пад рэд. А. І. Мальдзіса. — Мн.: Беларуская Энцыклапедыя, 1992—1995. Т. 2. — Мінск, 1993;
• Дуброўскі Ігнат // Беларускія пісьменнікі (1917—1990): Даведнік / Склад. А. К. Гардзіцкі. Нав. рэд. А. Л. Верабей. — Мн.: Мастацкая літаратура, 1994. — 653 с.: іл. — 22 000 экз. — ISBN 5-340-00709-X.;
• Беларуская энцыклапедыя. У 18 т. Т. 6. — Мінск, 1998;
• Энцыклапедыя літаратуры і мастацтва Беларусі. У 5 т. Т. 2. — Мінск, 1985.

Спасылкі

• Ігнат Дуброўскі на «Беларускай Палічцы» (бел.)
• Биография, Дуброўскі Ігнат (Дубровский Игнат). Біяграфія. (недаступная спасылка) epub
• Ігнат Дуброўскі. Аддадзеная дзецям.
• Патапчык, Э. Спадчына знакамітага земляка.