Вёска Іванкавічы Краіна Беларусь Вобласць Брэсцкая Раён Баранавіцкі Сельсавет Палонкаўскі Каардынаты 53°13′21″ пн. ш. 25°40′53″ у. д. Насельніцтва 150 чал. (1999) Часавы пояс UTC+3 Тэлефонны код +375 163 Аўтамабільны код 1 Іванкавічы на карце Беларусі ±

Іва́нкавічы^[1] (трансліт.: Ivankavičy, руск.: Иванковичи) — вёска ў Баранавіцкім раёне Брэсцкай вобласці. Уваходзіць у склад Палонкаўскага сельсавета. Размешчана за 27 км ад Баранавіч, за 12 км ад чыгуначнай станцыі Палонка на лініі Баранавічы—Ваўкавыск, на р. Іса.

Гісторыя

Па пісьмовых крыніцах вядомы з XVI ст. У 1570 годзе вёска мела 3 валокі зямлі, падатак складаў 3 капы і 9 грошай.

У 1905 годзе вёска і маёнтак у Люшнеўскай воласці Слонімскага павета.

З 1921 годзе 2 аднайменныя вёскі і фальварак у складзе Польшчы, у Люшнеўскай гміне Слонімскага павета.

З 1939 года ў БССР, з 15 студзеня 1940 года ў Навамышскім раёне Баранавіцкай, з 8 студзеня 1954 года Брэсцкай абласцей, з 8 красавіка 1957 года ў Баранавіцкім раёне.

У Вялікую Айчынную вайну з канца чэрвеня 1941 года да 9 ліпеня 1944 года вёска акупіравана нямецка-фашысцкімі захопнікамі. На франтах вайны загінула 22 вяскоўцы, акупанты загубілі 16 жыхароў.

У 1971 годзе  працавалі пачатковая школа, магазін, клуб, бібліятэка.

Да 1985 года ў складзе Перхавіцкага сельсавета^[2].

Насельніцтва

• XX стагоддзе:
  • 1905 — 478 жыхароў.
  • 1921 — 87 двароў, 461 жыхар, у фальварку — 1 дом, З жыхары.
  • 1959 — 404 жыхары.
  • 1971 — 96 двароў, 392 жыхары.
  • 1998 — 87 двароў, 167 жыхароў.
• XXI стагоддзе:

Інфраструктура

Працуюць майстэрні па рамонце с.-г. тэхнікі, ветэрынарны ўчастак, магазін, пачатковая школа, бібліятэка, аддзяленне сувязі.

Вядомыя асобы

• Рыгор Іванавіч Афанасік (нар. 1935) — беларускі вучоны ў галіне меліярацыі.

Зноскі

Літаратура

• Гарады і вёскі Беларусі: Энцыклапедыя. Т. 3, кн. 1. Брэсцкая вобласць / рэдкал.: Г. П. Пашкоў (дырэктар) і інш. — Мн.: Беларуская Энцыклапедыя імя Петруся Броўкі, 2006. — 528 с.: іл. — 4 000 экз. — ISBN 985-11-0373-X.

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх