Pinoy
An Pinoy iyo an komun na bakong pormal na pagpanongod sa sadiri na ginamit kan mga Pilipino tanganing magpanongod sa mga namamanwaan kan Filipinas asin sa saindang kultura siring man sa mga Pilipino sa ibong na dagat sa Pilipinong diaspora.[1][2] An sarong Pinoy na igwa nin bakong Pilipinong apoon parating bakong pormal na inaapod na Tisoy, sarong pinahalipot na kataga para sa Mestizo.
Dakol na mga Pilipino an nagpapanongod sa saindang sadiri na Pinoy, kun minsan an pambabae iyo an Pinay, imbes na gamiton an estandarteng termino na Pilipino.[1] Naporma an Pinoy sa paagi kan pagkua kan huring apat na mga letra kan Pilipino asin idinugang an sufixo na -y sa tataramon na Tagalog (an sufixo kun na ginamit sa pagtao nin palayaw kan mga Pilipino: e.g. "Noynoy" o "Kokoy" o Totoy") An Pinoy ginamit para sa pag-indentipikar sa sadiri kan mga enot na Pilipinong nagpasiring sa kontinental na Estados Unidos bago an Ikaduwang Gyerang Pankinaban asin kapwa ginamit sa pejorative na sentido asin bilang sarong termino nin pagranga, kaagid kan Desi.[3][4][5]
An Pinoy linikha tanganing magin laen an karanasan kan mga Pilipinong nag-immigrate pasiring sa Estados Unidos, alagad ngunyan iyo na an slang na termino na ginamit tanganing magpanongod sa gabos na mga tawong may apoon na Pilipino.[1] An "Musikang Pinoy" nagkaigwa nin impact sa sosyo-politikal na klima kaidtong dekadang 1970 asin kapwa inimpleyo kan presidente kan Filipinas na si Ferdinand Marcos asin kan rebolusyon na People Power na nagpatalsik sa saiyang rehimen. An recent mainstream na paggamit nakasentro sa pag-aling-aling (Pinoy Big Brother) na mapupwedeng hilingon sa Pinoy Tambayan[6] asin an musika (Pinoy Idol), na nagkaigwa nin signipikanteng papel sa pagpaurog kan nasyonal asin kultura na pagkamidbid.
Toltolan
- Rodell, Paul A. (2001). Culture and Customs of the Philippines. Greenwood Publishing Group. p. 218. ISBN 9780313304156. Retrieved August 18, 2008.
- Posadas, Barbara Mercedes (1999). The Filipino Americans
. Greenwood Publishing Group. p. 165. ISBN 9780313297427. Retrieved August 18, 2008.
- Coronadon, Marc (2004). Crossing Lines: Race and Mixed Race Across the Geohistorical Divide. Rowman & Littlefield. p. 91. ISBN 9780970038418. Retrieved August 18, 2008.
- Leonard, George (1999). The Asian Pacific American Heritage: A Companion to Literature and Arts. Taylor & Francis. p. 484. ISBN 9780815329800. Retrieved August 18, 2008.
- "Pinoy TV website to watch all Pinoy Tambayan shows of Pinoy Channel". Pinoy TV Shows. Archived from the original on 2021-07-27. Retrieved 2023-06-27.