Feodor Jagor

Si Andreas Fedor Jagor (Nobyembre 16, 1816 - Pebrero 11, 1900) sarong Aleman na etnologo, naturalista, asin eksplorador na mahiwas naglibot sa kadagaan kan Asya sa tanga kan ika-19 siglo sa tuyong pagtipon asin pagdamot nin mga artifaks asin relikya para sa mga museo kan Berlin. [1][2]

Si Fedor Jagor

Si Jagor etnograpiya an pinagkasibotan na gayo gibo kan naagyat siya kan mga nahiling asin nadalan niya sa Paris. Naisip niyang maglibot sa mga iba-ibang rona' kan Asya sa pagtipon asin pagdamot nin mga artifaks para sa Museum für Naturkunde (Museum of Natural History) na yaon sa Berlin. Kaya poon 1859 sundo 1861 nagbyahe siya sa Habagatan Asya asin sa Sur-subangan na Asya, mala ta inabot niya an lugar kan Indya, Solnopan Asya, asin an mga isla sa Pasipiko arog kan Filipinas. Nag'ayaw siyang pirang taon (1890 abot 1893) duman sa isla nin Java asin sa arkipelago nin Indonesya sa siring man na katuyohan. [1]

Si Jagor, poon pa kan 1869, kaapil na kan Kaayonan sa Antropolohiya, Etnolohiya asin Prehistorya nin Berlin (Berliner Gesellschaft für Anthropologie, Ethnologie und Urgeschichte), asin kan Enero 8, 1879 nagin man siyang kaapil sa German Academy of Sciences Leopoldina.[1]

Sinasabing si Jagor dayaday na kasurat-surat ni Rudolf Virchow asin napabalangibog an saiyang mga pagmasid-masid saka eksperensya sa saiyang pagparalahaw-lahaw paagi kan saiyang mga librong pinalagda'. Pinamana niya an mga etnograpikong koleksyon niya sa Museo Etnologo kan Berlin. An saiya man na yaman asin mga kasarayan sa arte pigdonar niya sa siyudad nin Berlin.[1]

Mga obra

"Singapore, Malacca, Java: Travel Sketches" Singapore, Malacca, Java: Reiseskizzen. J. Springer, Berlin 1866
"Travels in the Philippines" (English) Reisen in den Philippinen. Chapman and Hall, London 1875
"East Indian trade with regard to the European labor market" Ostindisches Handwerk und Gewerbe mit Rücksicht auf den europäischen Arbeitsmarkt. J. Springer, Berlin 1878

Mga hayop ipinangaran ki Jagor

Sphenomorphus, Sphenomorphus jagori Peters, 1864
Water snake, Enhydris jagorii Peters, 1863[2]
Greater Musky Fruit Bat, Ptenochirus jagori Peters, 1861
Peters' Trumpet-eared Bat, Phoniscus jagorii Peters, 1866[3]

Mga panluwas na takod

Toltolan

"Fedor Jagor". German Wikipedia. Retrieved on 2012-0316.
Beolens, Watkins and Grayson (2011). "The Eponym Dictionary of Reptiles". pg. 427. Johns Hopkins University Press, Baltimore. ISBN 978-1-4214-0135-5.
Beolens, Watkins and Grayson (2009). "The Eponym Dictionary of Mammals". pp. 209-210. Johns Hopkins University Press, Baltimore. ISBN 978-0-8018-9304-9.

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.

[DEWI-1] "Fedor Jagor". German Wikipedia. Retrieved on 2012-0316.

[eporep-2] Beolens, Watkins and Grayson (2011). "The Eponym Dictionary of Reptiles". pg. 427. Johns Hopkins University Press, Baltimore. ISBN 978-1-4214-0135-5.

[epomam-3] Beolens, Watkins and Grayson (2009). "The Eponym Dictionary of Mammals". pp. 209-210. Johns Hopkins University Press, Baltimore. ISBN 978-0-8018-9304-9.