Camilo Jacob
Camilo Jacob (nagadan Enero 4, 1897) siya sarong Bikolanong heroe, martir[1][2][3] asin rebolusyonaryo.[4][5][6] Siya man nabantog bilang saro sa kagsaro(11) kan Quince Martires kan Bikol na pinadusahan na magadan sa Bagumbayan(Luneta), ngunyan iyo an Rizal Park kan Espanyol sa paghinanapos kan ika-kagsiyam(19th) na siglo sa pagpuon kan Philippine revolution.
Buhay
Bilang sarong tubo, nagdakula siya sa banwaan nin Polangui, sa probinsya nin Albay. Kan siya naimplikar, siya saro nang propesyunal, asin komersyal na pararetrato(photographer), na kun saen siya man igwang pigmamantenir na photographic studio sa Nueva Caceres, ngunyan Siyudad nin Naga. Nin huli kaidto, an pagreretrato pigcoconsiderar na bagohan asin sarong luxury, nabantog siyang gayo sa saiyang mga kliyente na harale sa pamilya nin mga opisyal nin gobyerno asin mga negosyante na buot magpakua nin mga portrait.
Pagkatampok sa Philippine Revolution
An pagpuon kan Philippine revolution sa huring parte kan taong 1896, ini nakapagdulot nin pangamba sa mga Kastila kan posible kaining paglakop sa rehiyon Bikol. Kaya, itong mga tawong liberal mag-irisip nag-agi nin makuring pagpadusa bako sana ta pigtutubod na sinda mga separatista kundi man sinda naghuhurot na mapahale an otoridad nin Espanya sa Pilipinas. Ini nasangkotan nin mga negosyante asin mga propesyonal, kadaklan sainda miyembrong Mason asin klerigo. Kabali sa mga nadakop iyo si Vicente Lukban, pamayo kan kabtang Masoniko na Triangulo Bikol, kaapil sa lodge na Masoniko na La Luz Oriente, kun saen, kan siya mahapot, isinangkot si Jacob bilang saro sa aktibong miyembro asin suportador kan Katipunan.
Pagdakop, pagpadusa asin Pagkagadan
Kan Septyembre 19, 1896, dinakop siya asin dakul pang iba na pig-akusaran nin rebelyon asin sedisyon. Kan magkadarakop, lambang saro pigbitay sa saindang tanggurangan, sinuntok, ginutom asin ininsulto. Dangan sinda dinara sa Manila, para sa paghukom kan Junta Provincial kan Camarines Sur na pinamamayohan ni Gobernador Julian Ocampo, sakay boque de vapor na Isarog asin piniot sa Bilibid tanganing pagkadogkadogon giraray. Laen kaini, na sinda pinadusahan asin iba pa, si Jacob nagin ehemplaryo bilang "preso na nagsapar nin makuring sakit na may labing pagkamahuyon". Kan sinda mabista asin mahukuman kan mga akusasyon sainda, kan Enero 4, 1897, 5 aldaw pagkataytay-badil ki Jose Rizal, si Jacob, kaibanan an sampolong(10) iba pa, pinalakaw sinda paduman, asin binadil-gadan kan firing squad, mantang an saindang mga pamilya minatanaw kaibanan kan mga miron. Dangan, an mga Kastila nagbuot sa mga pamilya ninda na sinda mailubong tulos kan aldaw na idto, tanganing makalikay sa nagdadakol na nakikisimpatya.
Komemorasyon
Kan Marso 7, 2017, an Pankasaysayan na Komisyon Nasyonal kan Pilipinas(NHCP) pinagmukna an Camilo Jacob Historical Marker sa Polangui, Albay asin ipigtao an pangataman kaini sa gobyerno lokal kan Polangui.
Toltolan
- "Pinoy Folk Tales: Filipino Martyr: CAMILO JACOB". Pinoyfolktales.blogspot.com. 2013-01-18. Retrieved 2017-03-17.
- Juan Escandor Jr.; Shiena M. Barrameda. "15 Bicolano martyrs given honors in June 12 rites in Naga City | Inquirer News". Newsinfo.inquirer.net. Retrieved 2017-03-17.
- "11 of 15 Bicol Martyrs were executed in Bagumbayan January 4, 1897". Kahimyang.com. Retrieved 2017-03-17.
- "Bikol honors its 15 martyrs of the 1896 revolution". Naga City Government website. Archived from the original on 2012-08-26. Retrieved 2017-03-12.
- Vox Bikol (2012-01-07). "Bikol honors its 15 martyrs of the 1896 revolution". Vox Bikol. Retrieved 2017-03-21.
- "NHCP unveils Camilo Jacob historical marker - National Historical Commission of the Philippines". Nhcp.gov.ph. 2017-03-06. Archived from the original on 2017-03-12. Retrieved 2017-03-17.