Slowakei
De Slowakei oda amtli: Slowakische Republik, sejtna Slowakien, (slowakisch: Slovensko oda Slovenská republika) is a Stout in Middleiropa, dea wos 1992/1993 aus da Teilung vo da Tschechoslowakei heavurganga is. Si grenzt an Esterraich, an d' Tschechei, Poin, d' Ukraine und Ungarn. Said'm 29. Meaz 2004 is de Slowakei a Midgliad vo da NATO und seid'm 1. Mai 2004 gheats za da Eiropejschn Union.
Der Artikl is im Dialekt Pongaurisch gschriem worn. |
Slowakei Slovensko Slowakische Republik | |||||
| |||||
Omtssprouch | Slowakisch | ||||
Hauptstoud | Pressburg (Bratislava) | ||||
Stoutsform | Republik | ||||
Stoutsowerhaupt | Presidentin Zuzana Čaputová | ||||
Regiarungsschef | Ministapresident Eduard Heger | ||||
Flächen | 49.034 km² | ||||
Eiwonerzoi | 5.421.349 | ||||
Bevejkarungsdichten | 111 Aiwoner pro km² | ||||
Gejt | Euro (1 Euro = 100 Cent) | ||||
Gryndung | 1. Jenna 1993 | ||||
Nazionaalhymne | Nad Tatrou sa blýska | ||||
Zeidzone | UTC+1 MEZ UTC+2 MESZ (Märschz - Oktower) | ||||
Kfz-Kennzeichen | SK | ||||
Internet-TLD | .sk | ||||
Telefonvurwoi | +421 | ||||
![]() |
![](../I/Zuzana_%C4%8Caputov%C3%A1_(20.6.2019)VII.jpg.webp)
![](../I/Eduard_Heger_opening_a_school_02.jpg.webp)
Geografie
De Slowakai bsteht im Noadn und in da Middtn aus de za d' Karpatn ghäratn Gebiag Tatra (Tatry) und da Niedan Tatra (Nízke Tatry), Kloane Fatra (Malá Fatra), Grouße Fatra (Velká Fatra), am Slowakischn Erzgebiag (Slovenské rudohorie) und vei ondane. As Lond biatt vuaoim in da Tatra a oipinas Beijdl, im Sidn dastreckt sa se bis in d' Ungarische Tiafewane. D' hächste Dahewung is de Gerlsdorfa Spitzn (Gerlachovský štít) in da Hochn Tatra mid 2.655 Meter.
De grässtn Fliss vo da Slowakei sand de Donau (am middlan Ouschnitt), de Thaiss, de Woug, de March und de Gran.
Vawoitungsglidarung
Londschoftsvabänd
De Slowakei is in ocht Londschoftsvabänd („kraj“) aitoaet.
|
|
Grässte Städt
- Pressburg - 419.678
- Košice - 239.464
- Prešov - 90.187
- Nitra - 78.033
- Žilina - 81.155
- Banská Bystrica - 79.027
- Trnava - 65.713
- (Stond: 31. Dezember 2014)
Bevejkarung
Voiksgrubbm
Im Lond lem ebbers 5,42 Millionen Leit (2014). De Bevejkarungsentwicklung is seid da Unouhängigkait eha stagniat. Mid am Duachschnittsoita vo 35,5 Jou gheat de Slowakei za de jungdlichan Stootn vo Eiropa.
Nem 85,8 % Slowakn bsteht de Bevejkarung vo da Slowakei aus 9,5 % Ungarn, 1,8 % Roma, 0,8 % Tschechn (offizieje Zoihn, da totsächliche Otoae wert wesntlich hächer aigschatzt), 0,4 % Ruthener, 0,2 % Ukrainer, 0,1% Deitsche[1] und weniga wia 0,1% Buagnlaundkrowodn.
Religion
![](../I/Blaue_Kirche_Bratislava.JPG.webp)
In da Slowakei gibs fuchzen stoutlich oakonnte Glaamsgmoaschoftn. De oadeitig grässt' is de Rämisch-Katholische-Kiach. Laut da Voikszejung vo 2001 ghärn dera 68,9 % o.
Waiderne grässerne Gmoaschoftn sand:
- Evangelisch-Augschburga-Kiach 6,9 %
- Griachisch-Katholische-Kiach 4,09 %
- Evangelisch-Reformiate-Kiach 2,04 %
- Methodistn
- Orthodoxe Kiach 0,94 %
- Jidische Gmoa
Danem existian aa no Boptistngmoaschoftn und Gmoana vo de Siwatn-Doug-Adventistn.
Es gibt aa 11.269 aktiave Zaing Jehovas in da Slowakei, de in da Zeid vo da CSSR vabotn gwen sand. Im Jo 2007 sands in 160 Gmoana in da gonzn Slowakei tätig gwen.
12,9 % vo da Bevejkarung sand konfessionslos und 2,99 % homd koa Ogob gmocht. Unta de sunsting 1,24 % befindn se unta ondam Judn, de vurm Kriag zoireiche Gmoana ghobd homd. Haidzdoug existian wida merane Gmoana, zwoa in Pressburg (800 Midglieda), oane in Košice (700 Midglieda), sowia in de Städ Prešov, Nove Zámky, Komárno, Dunajská Streda, Galanta, Nitra und Trnava. In da Zeid vom Kommunismus hods in da Slowakei faktisch koa jidischs Lem neamer gem. Vei Jo hod de jidische Gmoa koane religiäsn Owahaipta ghod. Eascht noch da „Somtern Revuluzion“ is da heidige Owarabbina vo da Slowakei, da Baruch Myers aus de USA und da Rabbina Goldstein aus Israel, de de Gmoana in Pressburg und Košice loatn, ins Lond kemma.
Außadem lem aa no mera wia 2700 Muslime in da Slowakei.[2].
Vakeah
As Vakeahsnetz is bizentrisch af's im Westn glengne Pressburg und af's im Ostn glegane Košice ausgrichtt. S orientiat se an de Toier und Fliss in da gebiaging Slowakei.
Eisnboh
Wichtigste Bohvabindungn sand de elektrifiziate Ost-West-Vabindung vo da Ukraine iwa Košice noch Pressburg mid da Furtsetzung in de Tschechai, nouch Esterraich und Ungarn. Danem is d' Vabindung vo da Tschechai iwer Pressburg noch Ungarn vo Bedeitung. Wichtige Aisnbohgsejschoftn sand dodabai firn Personenvakeah de Železničná spoločnosť a.s. (ŽSSK), fian Gitavakeah d' Železničná spoločnosť Cargo Slovakia a.s. (ŽSSK Cargo), ois Schinennetzbetraiwa d' Železnice Slovenskej republiky (ŽSR) und d' regionoi operrirnde Bratislavská regionálna koľajová spoločnosť (BRKS).
Beleg
- FAZ vom 28. Aprij 2004
- Archivierte Kopie. Archiviert vom Original am 23. August 2007; abgerufen am 29. Januar 2008.
Literratur
- Andre Micklitza: Slowakei, Michael Müller Verlag, 2007, ISBN 978-3-89953-355-2
- The Encyclopaedia of Slovakia and the Slovaks, VEDA, 2007 (A Enzyklopädie vo da Slowakischn Akademie vo de Wissnschouftn)
- Frieder Monzer: Die Slowakei entdecken, Trescher 2004, ISBN 3-89794-059-0
- Renata Sako-Hoess: Reisetaschenbuch Slowakei, DuMont 2002, ISBN 3-7701-4889-4
- Susanna Vykoupil: Slowakei, Beck'sche Länderreihe, 1999, ISBN 3-406-39876-6
- Gabriele Matzner-Holzer: Im Kreuz Europas: Die unbekannte Slowakei, Wien 2001, ISBN 3-85493-047-X
- Eva Gruberova & Helmut Zeller: Slowakei, Reise Know-How 2005, ISBN 3-8317-1375-8
- Ernst Hochberger: Das große Buch der Slowakei, Sinn 2003, ISBN 3-921888-10-7
- Katharina Sommer: Slowakei, Iwanowski 2006, ISBN 3-933041-23-6
- Aurel Emeritzy & Erich Sirchich: Nordkarpatenland - Deutsches Leben in der Slowakei, Karlsruhe 1979, ISBN 3-7617-0168-3
Im Netz
- Offizieje Webseitn vo da Slowakischn Regirung (Slowakisch/Englisch)
- Offizieje Webseitn vom Slowakischn Turismus
- Länderprofij iwer d' Slowakai vom Statistischn Bundesomt (Seite nicht mehr abrufbar; Suche in Webarchiven)
- Umfongraich ergänzate Infos auf Slowakei-Net.de
- SK TODAY - Nochrichtn aus da Slowakai auf Englisch
...
![Log vo Eiropa](../I/Location_of_Europe.svg.png.webp)
Albanien |
Andorra |
Bejgien |
Bosnien-Herzegowina |
Buigarien |
Denemark2 |
Deitschland |
Estland |
Finnland |
Frankreich2 |
Griachaland |
Georgien |
Holland2 |
Irland |
Island |
Italien2 |
Kasachstan1 |
Kosovo |
Krowozien |
Lettland |
Liachtnstoa |
Litaun |
Luxnbuag |
Malta |
Moldawien |
Monaco |
Montenegro |
Noadmazedonien |
Norwegn2 |
Östareich |
Poin |
Portugal2 |
Rumänien |
Russland1 |
San Marino |
Schweden |
Schweiz |
Serbien |
Slowakei |
Slowenien |
Spanien2 |
Tiakei1 |
Tschechei |
Ukraine |
Ungarn |
Vaoanigts Kinireich (UK)2 |
Vatikanstod |
Weißrussland 1 Liegt zan gresstn Tei in Asien. 2 Hod aa Gebiete aussahoib vo Eiropa. |
![Fahne vo da Europäischn Union](../I/Flag_of_Europe.svg.png.webp)
![OECD-Logo](../I/OECD_Logo.svg.png.webp)
Australien | Bejgien | Chile | Denemark | Deitschland | Finnland | Frankreich | Griachaland | Irland | Island | Israel | Italien | Japan | Kanada | Luxnbuag | Mexiko | Neiseeland | Holland | Norwegn | Östareich | Poin | Portugal | Schwedn | Schweiz | Sidkorea | Slowakei | Slowenien | Spanien | Tschechei | Tiakei | Ungarn | USA | Vaoanigts Kinireich (UK) |