Kunst

Kunst maant oiwäu wos Relatives, obhengig vo da Kuitua und da Gschicht. Es is ned wikli a wos Fixes, wäus oiwäu wos aundas is. De Kunst is a Produkt vo da Kuitua, wo am End a Kunstweak do is, owar aa seit da Modeane - da Prozess sööba. Äussa hod a jede Kuitua aa Kunst daheabrochd.

Sebastiano Ricci: Allegorie vo de Kinste, 1690–1694
Der Artikl is im Dialekt Weanarisch gschriem worn.

Da Kunstbegriff is oiwäu an aundra: Seit da Afklearung hoad's owa voa oim de Ausdrucksfurman von de Schenan Kinste:

  • Büüdende Kunst mid de klassischn Gottunga Molarei, Büüdhauarei, da Architektua und seit'n 19. Joarhundad aa des sognaunnte Kunstgeweabe (de Ogewedndte Kunst) und ois Grenzbereich aa des Kunsthandweak
  • Doastöllende Kunst des is Theata, Daunz und Füümkunst
  • Musi mid de Haptspartn Vokalmusi und Instrumentoimusi
  • Literatua mid de Haptgottunga Epik, Drama und Lyrik

In da zeidgnössischn Kunst büüdn se imma meah neiche Gottunga aus, de wos aus aundan Kinstn zammgmischd san und de ma weng dem aa nimma eihdeitig za oana Soatn zuwerechnan kau. Dozua ghean z. B. Performance, Installazion, Konzeptkunst etc.

 Commons: Art – Oibum mit Buidl, Videos und Audiodateien
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.