Haptstod
De Haptstod (dt.: Hauptstadt) is da Sitz vo de wichtigstn politischn Eihrichtunga vo am souvaräna Stoot. In ana Demokratie is do da Standort vom jeweilign Parlament, ba ana Monarchie is do de Residenz vom Monarchn. In vui Stootn is gleizeidig Wirtschafds-, Vakeahs-, Industrie-, Wissnschofts- und Kuituazentrum. In Bayern is des Minga, in Östareich Wean und in Deitschland Berlin.
Der Artikl is im Dialekt Obaboarisch gschriem worn. |
![](../I/Reichstag_mit_Wiese2.jpg.webp)
![](../I/Parlament_Vienna_June_2006_183.jpg.webp)
![](../I/Bundeshaus_-_Parlamentsgeb%C3%A4ude_Nordfassade_-_001.jpg.webp)
De Haptstod ois wichtigsts Zentrum
![](../I/Hgv_netz.jpg.webp)
Seah oft hod se de Haptstod iwa an longa Zeidraum wegga zan unumschränktn Heaz vo oana Nation entwicket. Se is donn ned nua politischs Zentrum, sondan aa Middlpunkt vo da Idustrie, Wissnschoft, Kunst und Kuitua vo am Stoot. In stoark zentroiistisch ausgrichtn Stootn wia Frankreich is des in bsondan Ausmoß da Foi. Paris is ned nua s Zentrum vo Kuitua und Politik, de Stod is a greßta Vakeahsknotnpunkt und greßta Wirtschafdsraum in Frankreich. Wos Änlichs guit fia London.
Stootn ohne Haptstod
Stootn de wo de jure koa Haptstod ham, san Monaco, Nauru, de Schweiz, Liachtnstoa und de Vatikanstod. Ba Monaco und Vatikanstod is des desweng, weis reine Stodstootn san. In Nauru wead da Ort, wo de Regiarung sitzt, (Yaren) ois inoffizieje Haptstod afgfosst. In da Schweiz hod Bern de facto de Haptstodfunktion. In Liechtnstoa gibt's koa oanzige Stod. Vaduz hod nia s Stodrecht eahoidn und is deshoib nua da Haptort vom kloan Fiaschtntum.
Stootn mid zwoa Haptstädt
Land | Haptstod | Regiarungssitz/Parlamentssitz |
Benin | Porto Novo | Cotonou |
Bolivien | Sucre | La Paz |
Chile | Santiago de Chile | Valparaíso |
Elfenbeinküste | Yamoussoukro | Abidjan |
Holland | Amsterdam | Den Haag |
Malaysia | Kuala Lumpur | Putrajaya |
Sri Lanka | Colombo | Sri Jayawardenepura |
Sidafrika | Pretoria | Kapstadt |
Tansania | Dodoma | Daressalam |
Literatua
- Jens Kirsch: Hauptstadt - Zum Wesen und Wandel eines nationalen Symbols. Münster: LIT-Verlag 2005, ISBN 3-8258-8593-3