Buglgraxn
A Buglgraxn oda Bucklkraxn (boarisch-deitsch Buckelkraxe), is a Tragl, wo am Ruckn trogn wead. A gflochtane Buglgraxn, nennd ma aa Kirm (boarisch-deitsch: Kürbe).[1] Des is quasi a Zega, wo am Bugl drogn wead. Des wor aa de klassische Buglgraxn.
![](../I/Fotothek_df_ps_0001927_Landschaften_%5E_H%C3%BCgellandschaften_-_Gebirgslandschaften_%5E.jpg.webp)
Tirola Baua mit ana Buglgraxn (ois Kirm)
Buglgraxn worn friaa a lebmswichtigs Transportmiddl: In da Landwiatschoft, am Bau, fia Hausiara (Buglkrama) usw. Heit wean Buglgraxn no fia Spezialafgobm vawendt: ois Bugltragl fias Beagsteign und fia Wandarunga oda fias Militea und de Feiawea.
Galerie
- Ferdinand Raimund ois Oschnmo in Der Bauer als Millionär, 1826)
- A Buglgraxn ba da Weinles
- Modeans Buglgraxn-Gstej fiad franzesische Feiawea
Reensoat
„Wem Bucklkraxn nehman“ (Wean) hoaßt, oan huckepack drogn.
Beleg
- Ludwig Zehetner: Bairisches Deutsch. Lexikon der deutschen Sprache in Altbayern, Heinrich Hugendubel Verlag/edition vulpes, Kreuzlingen/Minga/Regensburg, 2005, ISBN 3980702871, Stichwort Buckelkraxe, Kraxe und Kürbe
Im Netz
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.