Саруа (күл)
Саруа күле Башҡортостан Республикаһының Нуриман районының үҙәге Ҡыҙылъяр (Красная Горка) ауылынан 30 км алыҫлыҡта, Саруа ауылы янында урынлашҡан. Унан шул уҡ исемдәге йылға ағып сыға. 1965 йылда күл «тәбиғәт ҡомартҡыһы» тип иғлан ителгән.
| Озеро | |
| Саруа | |
|---|---|
 | |
| Морфометрия | |
| Абсолют бейеклеге | 406 м |
| Иң тәрән урыны | 38 м-ғаса м |
| Урынлашыуы | |
| 55°18′ с. ш. 57°02′ в. д. | |
| Ил | |
| РФ субъекты | Башҡортостан |
 Саруа Викимилектә | |
.jpg.webp)
Барлыҡҡа килеүе
Убылған карст соҡороноң ауыш каналы төбөндә (Һәүлә йылғаһы ҡоя) урынлашҡан воклюз тибындағы һыу сығанағынан барлыҡҡа килгән. Аҫҡы пермдең һаҡмар һәм әртә ярустары тоҡомдарында формалашҡан; соҡоро һуҙылған, уйһыу. Ағып ятыусы күл. Көнсығыш ярҙары текә, таулы, урман менән ҡапланған, көнбайышы — тигеҙ, асыҡ туғай.
Ландшафт
Тирә—яҡ ландшафы киң япраҡлы—ҡара ылыҫлы урмандан тора. Күлдә Башҡортостан Республикаһының һәм Рәсәй Федерацияһының Ҡыҙыл китаптарына индерелгән европа бәрҙеһе йәшәй
Уны халыҡ йылға башы, ҡаран тип тә йөрөтә. Тәрәнлеге 38 метрғаса етә.
Һылтанмалар
- Саруа күле — Башҡорт энциклопедияһы 2016 йыл 21 апрель архивланған.
