مقالید الترکیه

مقالید الترکیه یا لغت اتراکیه یا بهجة اللغة میرزا فتحعلی خان سپانلو قاجار قزوینی وریندن یازیلان، چاغاتایجا ـ فارسجا سؤزلوکدور.[1]

مقالید الترکیه، ملی ملک کتابخاناسی الیازماسی‌نین باشلانیشی.

تانیتیمی

بو سؤزلوک ۱۵۰ ایل بوندان اؤنجه امیر علیشیر نوائینین اثرلری اساسیندا یازمیشدیر. تاریخ بویو نوائی اثرلری‌نین شرحینده بیر نئچه کتاب یازیلمیشدیر کی اونلارین آراسیندا «مقالید الترکیه» أن دیَرلی اثرلردن ساییلیر. بو کتابدا بیر چوخلو شعرلر و بیت‌لر نوائی دیوانیندان گتیریلمیش و ایضاح ائدیلمیشدیر. بو لهجه ایله یازیلان کتابلار او جمله‌دن مولانا لطفی، نوائی، سلطان حسین بایقارا دیوانلارینی دوشونمک و یارارلانماق اۆچون بئله کتابلاری مطالعه ائتمک چوخ لازیم و ضروری ساییلیر.

بو اثر حاققیندا داها آرتیق بیلگی آلماق اۆچون فرهاد رحیمی‌نین مقاله‌سینه باخینیز.[2]

الیازمالاری
  • ایران ملی کتابخاناسی نسخه‌سی
  • ملی ملک (۲ الیازما)[3]
  • پیترزبورگ الیازماسی
  • قوم؛ مرکز احیاء
  • تهران اونیورسیته‌سی، الهیات دانشکده‌سی[4]

یاییملانماسی

بو اثر ۱۳۹۵جی ایلده قوم شهرینده بخشایش یایین ائوی طرفیندن یاییملانمیشدیر.[5] عینی زاماندا فرهاد رحیمی طرفیندن دوکتورا تئزی اولاراق ایشله‌نیلمیش و تورکیه ده یاییملانمیشدیر.[6]

اتک‌یازیلار
  1. آقابزرگ طهرانی، الذریعة الی تصانیف الشیعة، ج۲۲، ص۳.
  2. آکادمیا سایتی، فتحعلی قاجارین چاغاتای تورکجه‌سی سؤزلوگو اوزرینه، فرهاد رحیمی، FETHALİ KAÇAR'IN ÇAĞATAY TÜRKÇESİ SÖZLÜĞÜ ÜZERİNE-FARHAD RAHİMİ
  3. وبسایت کتابخانه و موزه ملی ملک، مقالید ترکیه (ترکی به فارسی)
  4. درایتی، مصطفی؛ فهرستگان نسخه های خطی ایران (فنخا)، تهران: سازمان اسناد و کتابخانه ملی جمهوری اسلامی ایران، ج۲۲، ص۴۰۰.
  5. کتاب «فرهنگ لغات ترکی (مقالید الترکیه)» منتشر شد
  6. Fethali Kaçar'ın Çağatay Türkçesi Sözlüğü

قایناقلار
  • قایناق: م. کریمی، بایرام درگیسی، 58 نجی سای، زنگان: اسفند 1394.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.