محمدعلی فرزانه
محمدعلی فرزانه ـ (دوْغوم۱۹۲۳-اؤلوم۲۰۰۶) آذربایجانلی تورک آیدین، یازیچی و فولکلورچو.
| محمدعلی فرزانه | |
|---|---|
| دوْغوم تاریخی | ۱۹۲۳ |
| اؤلوم تاریخی | 2006 |
| میلیت | ایرانلی |
| تاثیر قویموش | {{{تاثیر قویموش}}} |
یاشاییشی
محمدعلی فرزانه 1923-جی ایلده تبریزین چای‌قیراغی محلله‌سینده آنادان اولموشدور. اورتا مکتبی بیتیردیکدن سونرا موعلیملیکله مشغول اولماغا باشلامیشدیر. 1945-1946-جی ایللرده تبریزده نشر اولونان "آذربایجان" قزئتینده (م.ه. قوسی ایمضاسییلا) مقاله‌لرله چیخیش ائتمیش و دده قورقود داستانلارینی شرح ائتمیشدیر. 1953-جو ایلده تبریزدن تئهرانا کؤچموشدور. 1963-جو ایلده شاعیرین "بایاتیلار" آدلی شئعرلر کیتابی چاپ ائدیلمیشدیر. 1976-جی ایلده اختر خانیملا عاییله حیاتی قورموشدور.
1979-جو ایل ایران ایسلام اینقیلابیندان سونرا، پروفسور حمید نطقی، کریم مشروطه‌چی (سؤنمز)، منظوری خامنه، صمد سرداری‌نیا، غلامحسین بیگدلی، حسن مجیدزاده ساوالان و تئهراندا نشر اولونان وارلیق درگیسی‌نین تاسیسچیسی جاواد هئیتله بیرلیکده همین ژورنالین ایشیق اوزو گؤرمه‌سینده بؤیوک رولو اولموشدور.
1992-جی ایلده باکی دؤولت اونیوئرسیتئتی‌نین فخری دوکتورو آدینا لاییق گؤرولموشدور. اورک خسته‌لیگیندن اذیت چکدیگینه گؤره 1998-جی ایلده موعالیجه اۆچون ایسوئچین گؤتئبورق شهرینه گئتمیشدیر. 2006-جی ایل ژانویه آیینین 17-ده وفات ائتمیشدیر.
شهریار محمدعلی فرزانه‌نین شخصییتینی تقدیر ائده‌رک اونون حاقیندا آشاغیداکی بئیتی یازمیشدیر:
باخ کی تئهراندا نه فرزانه‌لر اولموش واله
باخ کی تبریزده نه شاعیرلری شیدا ائله‌دیم
اثرلری
- آنا دیلی (6 جیلدده) -1324- جی ایلده آذربایجان مکتبلرینده درس وئرمک اۆچون یازیلمیش کیتابلار. بونلار کیتابلارین قورولوشونا ال آپارمادان عینا او ایللردن قالما بیر یادگار کیمی یاییلمیشدیر.
- میرزه علی اکبر صابر، هوپ هوپ نامه. بو اثر یوخاری تیراژلا ایکی دفعه نشر ائدیلمیشدیر.
- دده قورقود کیتابی. بو آذربایجان فولکولورونون اؤلمز شاه اثری فرزانه نین مقدمه سی ایله یاییلمیشدیر.
- شهریار و حیدر بابا (مکتوبلار و نظیره لر) ...
- ترانه های روستائی ایران (با ترجمه منظوم به ترکی)
بونلاردان علاوه، م.ع. فرزانه نین ایللر اوزونو حاضیرلادیغی اساس اثرلردن بیر چوخو هله بو گونه قدر ایشیق اوزو گؤرمه میشدیر. اونلاردان نمونه اولاراق آشاغیداکیلاردان آد چکمک اولار:
1- مقاله لر و اشاره لر مجموعه سی. تورک و فارس دیلینده بو گونه قدر مطبوعاتدا درج ائدیلمیش و یا ائدیلمه میش علمی آراشدیرمالار، باینقدیرمالار و گؤستریلر.
2- آذربایجان خالق ادبیاتی آنتولوژیسی.
3- آذربایجان ائل سؤزلری: آتا سؤزلری، مثللر و دئییملر.
4- ملانصرالدین لطیفه لری: مفصل اؤن سؤز.
5- آذربایجان ائل ماهنیلاری: مفصل اؤن سؤز.
6- دیلیمیزین فونتیک (سسی) سؤزلوگو (آذربایجان، فارس)
7- سؤز اینجی‌لری (آذربایجان شعیری آنتولوژیسی قدیم دورولردن بوگونه قدر) اوچ جیلدده.[1]
قایناق
- آذربایجان لاتین ویکیپدیاسی.
- میرموسی هاشمی، اوستاد محمدعلی فرزانه حاقّیندا خاطیره‌لریم. Archived 2017-07-08 at the Wayback Machine.
- میرموسی هاشمی، اوستاد محمدعلی فرزانه حاقّیندا خاطیره‌لریم.