قره قیشلاق (سالماس )
قره قیشلاق (فارسجا، قره قشلاق ) – غربی آذربایجان اوستانی‌‌نین سالماس بؤلگه‌سی‌نین مرکزی بؤلومونون لکیستان قصبه‌سینده یئرلشن کند.
Qərəqışlaq
قره قیشلاق | |
|---|---|
کند | |
  Qərəqışlaq | |
| موختصاتلار: 38°12′19″N 44°57′07″E | |
| اؤلکه |  ایران |
| اوستان | غربی آذربایجان |
| بؤلگه | سالماس |
| بؤلوم | مرکزی |
| قصبه | لکیستان |
| جمعیت (2006) | |
| • جمع | ۲٬۱۲۶ |
| ساعات قورشاغی | یوتی‌سی +3:30 (IRST) |
| • یای (DST) | یوتی‌سی +4:30 (IRDT) |
اهالیسی
۱۳۸۵ -جی ایل نوفوس ساییمینا اساساً کندده ۲۱۲۶نفر (۵۵۲ عاییله) یاشاییر.[1] قره‌قیشلاق کندینده یاشایانلار تورکدورلر و آذربایجان تورکجه‌سینده دانیشیرلار.اهالی‌نین هامیسی موسلمان و شیعه‌‌دیرلر. کندین اکثریتی اکینچیلیک و حئیواندارلیقلامشقولدورلار. کندین اؤنملی محصول‌لاریندان شکر چوغوندورو ، بوغدا، آرپا و گونه‌باخان اولاراق یئتیشدیریلیر.
آد و جوغرافیا
قره‌قیشلاق شرقدن کنگرلی کندی، غربدن سلطان‌احمد کندی، شیمالدان یالقیز آغاج کندی و گونئیدن آغ‌زیارت کندی ایله احاطه‌لنیر. بو کندین آدی ایکی حیصه‌دن عیبارتدیر (قره) و (قیشلاق). قیشلاقین آنلامی بو گون بیزیم اوچون داها آیدین و بللی‌دیر. بو آدین معناسی ائللرین قیش فصلینده قالدیغی یئرلردیر. آما " قره " سؤزو بو گونکو تورک دیلینده ایلک نظرده رنگی بیلدیرسه ده، اسکی تاریخده داها آرتیق معناسی و آنلامی وار ایدی. قره بؤیوکلوک، چتینلیک و یا یوکسک اولماق آنلامیندا ایشله‌دیلیردی. بو باخیمدان قره‌قیشلاق - بؤیوک قیشلاق معناسی کسب ائدیر.
تاریخ
کند اهالیسی اؤزلرینی قاشقای تورکلری حساب ائدیرلر. بو کند، تاریخ بویوندا اوز وئریلمیش آجی خاطیره‌لر ایله تانینیر کی، اسماعیل آغا شیکاکی (سیمیتقو ) آدییلا باغلی‌دیر. 1919-جو ایلده بیرینجی دونیا ساواشی زامانیندا، قره‌قیشلاغا سیمیتقونون تابع‌لیگینده اولان کوردلر طرفیندن هوجوم اولونموشدور. کوردلرین قارشی‌سینی آلماق مقصدی ایله یوسف خان قره‌قیشلاقلی‌نین (مسود دیوان) باشچیلیغی ایله قره‌قیشلاق قوو‌ه‌لری تشکیل ائدیلیر. پهلوی رژمی‌نین یاردیم ائتمه‌مه‌سی و کوردلرین باشدان آیاغا سیلاحلانماسی سببی ایله دؤیوشده مسعود دیوان و 3500 نفره یاخین گوناه‌سیز اینسان شهید اولموشدور.
گؤرمه‌لی یئرلر و عادت‌لر
کندین گؤرمه‌لی یئرلریندن مسعود دیوانین مزاری و ها بئله گؤزل، صفالی طبیعتی، منظره‌سی و لذتلی بولاق سویودور. هر ایل طبیعت گونونده (باهارین ایلک آیی نین 13-جو گونو) کندین اهالیسی قوشا تپه‌ده (کندین یاخینلیغیندا اولان داغ) و اونون اطرافیندا ییغیشیب شنلیک ائدیر. هر ایل محرم آییندا امام حسینه گؤره مراسیم کئچیرمک قره‌قیشلاقلی‌لارین اسکی عادت‌لریندن بیری‌دیر. بو آیدا زنجیر دسته‌لری، سینه دسته‌لری و نؤوحه اوخویانلار مئیدانا چیخارلار و اؤز سئوگی لرینی ایمام حسینه بیلدیریرلر. عاشورا گونونده عاشورا شبئه مراسیمی کئچیرمکدن سونرا مزارلیغا گئده‌رک اؤز اؤلولرینی زیارت ائدیرلر. کندین اهالیسی یئنی ایلی (نووروز بایرامی)، فیطیر بایرامینی و چیلله گئجه‌سینی شنلیکلرله قارشیلاییرلار.
آدلیم شخصیت‌لری
- مسعود دیوان (جیلولوق و کوردلوک فاجیعه‌لرینده قره‌قیشلاقین باش مودافیعه‌چیسی )
- نیمتاج سلماسی (شاعیره )
- تئیمور لکیستانی (ایراندا برق صنعتی‌نین آتاسی )
اتک‌یازی‌لار
| باشکند | |||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| بؤلوم |
| ||||||||||||||||||||||||||