سالماس بؤلگه‌سی

کوهسار بؤلومو
سالماس بؤلگه‌سی‌نین مرکزی بؤلومو

• سالماس
• تازه‌شهر

۱۳۸۵–اینجی هیجری گونشلی ایلین نوفوس سایی‌سی اساسیندا بو بؤلگه‌ده ۱۸۳٬۳۸۱ نفر اهالی یاشاییرمیشلار. [2] ۱۳۹۵–جی هیجری گونشلی ایلین نوفوس سایی‌سی اساسیندا بو بؤلگه‌نین ۱۹۶٬۵۴۶ نفر اهالی‌سی وارایمیش، کی بو تعداد'دان، ۱۰۰٬۸۱۷ کیشی و ۹۵٬۷۲۹ نفر قادین دیرلار.[3]

بو بؤلگه‌‌نین اهالی‌سی عومومیت‌ده تورک دورلر و آذربایجان تورکجه‌سینده دانیشیرلار.[4][5] تورکلردن سوْنرا، کوردلر، ارمنیلر و آشورلار دا آز سایی‌دا بو بؤلگه‌ده یاشاییرلار. رزم‌آرا'نین فرهنگ جوغرافیایی کیتابی‌نین اساسیندا سلماس شهری‌نین ۱۳۳۰–جی هیجری گونشلی ایلده ۱۱٬۰۰۰ نفر جمعیتی اولاراق، خالقی شیعه تورک دورلر، هابئله نئچه ائو ده کلدانی مسیحی‌سی اولاراق آشور دیلینده دانیشیرلار.[6] ایندیلیکده سلماس بؤلگه‌سی‌نین اصلی ترکیبین، شیعه مذهبینه اینانجلاری اوْلان تورکلر تشکیل ائدیرلر،[7][8][9][10][11][12][13] بونون یانیندا بیر سیرا اقلیت‌لر او جومله‌دن سونی شافعی اینانجلی تورکلر[14]، سونی شافعی مذهبینه اینانجلاری اوْلان کوردلر، و هابئله مسیحیت دینی‌نه اینانجلاری اوْلان ارمنیلر و آشور‌لار دا واردیر.[15] آیریجا بو بؤلگه‌ده کؤچریلر ده یاشاییرلار، سالماس بؤلگه‌سی‌نین کؤچریلری چوخونلوغو کوره سوننو اولاراق تورک دیلینده دانیشیرلار و سونی شافعی مذهبینه اینانجلاری واردیر.[16]