خرقان گونبزلری
خررقان گونبزلری یوخسا قاراقان بورجلاری قزوین و همدان شهرلری آراسیندا یئرلشن قاراقان بؤلگه‌سی‌نین آوج منطقه‌سینده، بیر-بیریندن ۲۹ متر آرالی یئرلشن بؤیوک سلجوق ایمپیراتوریسی دؤورونه عایید اولان ایکی بورج. خررقان گونبزلری آذربایجان و ایران معمارلیغینین ان دَیَرلی نومونه‌لریندن اولماقلا، دیوار و اوزلوک ماده‌سی کرپیج اولان تیکیلیلرین ان یاخشی اؤرنکلریندن ساییلیر.
بورجلار «قوشا ایمام حیصاری» آدلی یاشاییش یئریندن ایکی کیلومتر آرالیدادیر. موتخصصیلر قئید ائدیرلر کی، صفویلر دؤنمینده بو بورجلار ایمامزده‌لره چئوریلدیرندن «قوشا ایمام» آدی یارانمیش و یاخینلیقداکی کندده بئله آدلاندیریلمیشدیر. بورجلار ایسه ایندیده یئرلی اهالی (آذربایجان تورکلری) طرفیندن «قوشا ایمام بورجلاری» آدلاندیریلیرلار.
گونبزلرین دوغوسوندا اولان ان اسکی سولطان آلپ ارسلانین (۱۰۶۳ – ۱۰۷۲) حاکیمیتی زامانی هیجری ۴۵۰ – جی ایلده (میلادی ۱۰۶۷) ابوسعید بیجار سعد آدلی بیر تورکمن بیینین خاطره‌سینه اینشا ائدیلمیشدیر. بورجلارین کتیبه‌لریندن بیرینده تیکیلمه تاریخیندن سونرا «محمد مکر اوغلو زنجانینین عملی» معلوماتی یازیلمیشدیر.
قایناقلار
- Nizami dövrünün memarlıq abidələri, Bakı, İşıq nəşriyyatı
- Xərrəqan türbələri və Azərbaycanın Səlcuq dövrü memarlığı, Azərb. SSR Xəbərləri. Ədəbiyyat, dil və incəsənət seriyası