بولداجی

2016-جی ایل نوفوس ساییمینا اساسا، بو شهرین اهالیسی 11980 نفر (3546 عاییله) اولموشدور.[3]  

بولداجی شهری اؤلکه‌نین قوزئیدن گونئی‌یه موهوم نقلیات دهلیزی‌نین کسیشمسینده یئرلشیر، بئله‌کی، باتیدان شهرکورد یولو ایله لورستان، همدان و اراک اوستان‌لارینا، گونئی-باتیدان خوزیستان یولو ایله  فارس کؤرفزی لیمان‌لارینا، دوغودان ایصفاهان یولونا و فارس  اوستانی و بندرعباسا گئدن یاسوج یولونا. کئچمیشده تیجارت و بین الخالق یول اولان تاریخی لینچ یولو ارجنه بولداجی یوکسکلیگیندن کئچه‌رک ایرانین مرکزی یایلاسینی خوزیستان و شوشتره بیرلشدیردی و اینگیلیس تیجارت کاروان‌لاری اؤز یوکلرینی بو یول ایله ایله شوشتره و دنیز یولویلا اوروپایا آپاریردی.   

  بو شهرین یوکسکلیگی دنیز سویه‌سیندن 2270 متردیر و ایرانین دامی  کیمی تانینیر. بولداجی شهری قوزئیدن گینی (برآفتاب) و ارجنه، گونئیدن ایسه تیکمه‌داش و کلار داغی ایله محدود اولوب. 

  بولداجی ساکین‌لری‌نین اکثریتی قاشقای‌لاردیر و قاشقای تورکجه‌سینده دانیشیرلار.[4][5]

  بو بؤلگه‌نین ان موهوم سووغاتی و ایستحصالی گزدیر، چونکی ایرانین ان یاخشی و کئیفیتلی گزلری بو شهرده ایستحصال اولونور و ایرانین گز پایتاختی کیمی تانینیر. 

بولداجی گزی- 1973-جو ایلدن چاهارماهال و بختیاری اوستانی‌نین بولداجی شهرینده ایستحصال اولونور [6]بولداجی شهرینده آیدا 800 تون گز ایستحصال ائدن 87 گز اعمالاتخاناسی وار.[7]

1. Statistical Center of Iran > Home.
2. اطلس گیتاشناسی استان‌های ایران، تهران: ۱۳۸۳ خ.
3. «تعداد جمعیت و خانوار به تفکیک تقسیمات کشوری براساس سرشماری عمومی نفوس و مسکن سال ۱۳۹۵» (اکسل). درگاه ملی آمار.
4. مرجع شهرهای ایران:مردم بلداجي به زبان ترکي تکلم مي‌کنند، ترکان بلداجي اصالتاً از بازماندگان طايفه بولوردي ايل قشقايي هستند
5. «تقسیمات شهرستان بروجن». استانداری چهارمحال و بختیاری
6. «گز بلداجی».
7. «پایتخت گز ایران».