Zabrat Hava Limanı

Zabrat hava limanı (IATA: ZXT, ICAO: UBTT) – Bakı şəhərinin 18 kilometr[3] şimal-şərqində, Maştağa qəsəbəsinin cənub-qərbindən 5 km kənarda yerləşən ictimai hava limanı. III sinif hava limanıdır. Limanın aerodromu E sinifdəndir.[3]

Zabrat hava limanı

40°29′42″ şm. e. 49°58′37″ ş. u.
IATA: ZXT – ICAO: UBTT
Məlumat
Hava limanı tipi ictimai
Ölkə
Yeri Azərbaycan Azərbaycan
Dəniz səviyyəsindən
hündürlüyü		 92 ft / 28 m
Xəritə
ZXT (Azərbaycan)
ZXT
Uçuş-enmə zolaqları
İstiqamət Uzunluq Səth
ft m
16/34 3,180 969 asfalt
17/35 1,560 475 ot
Mənbə: Landings.com[1][2]

Tarixi

Hava limanı 2008-ci ilə qədər Azərbaycan Hava Yolları Dövlət Konserninə məxsus olub. Həmin il AZAL Qapalı Səhmdar Cəmiyyətə çevrilib, Zabrat hava limanı isə özəlləşdirilərək Silk Way Holding-ə daxil olan Silk Way Helicopter Services-in tabeliyinə keçib.[4]

Xüsusiyyətlər

Təhlükəsizliyin təminatı məqsədilə ərazinin sərhədi boyu İsrailin RB Tech şirkətinin istehsalı olan xüsusi elektron hasarlarla əhatə edilmiş və xüsusi işıqlandırma sistemi ilə təchiz edilmişdir.[5]

Sərnişinlərin uçuşa yola salınması buraxılış qabiliyyəti saatda 240 nəfər olan sərnişin və yük terminalı vasitəsilə həyata keçirilir. Terminal gəlmə və getmə zallarından, VİP, brifinq otaqlarından, yük anbarı hissəsindən, qeydiyyat duracaqları bölməsindən, 120 oturacaqlı monitorlarla təchiz edilmiş kafe hissəsi olan gözləmə zalından ibarətdir.[5]

Uçuş-eniş zolağı 40 ton yükə hesablanmışdır. Həmçinin gecə uçuşlarının həyata keçirilməsi üçün səviyyədə işiqlandırma sistemi təchiz olunmuşdur. Vertolyotların qəbulunu təşkil etmək məqsədilə 12 vertolyot dayanacağı inşa edilmişdir.[5]

Zabrat hava limanında Almaniyanın BAN-2000 şirkəti tərəfindən, həm gecə vaxtı, həmçinin mürəkkəb meteo şəraitlərdə vertolyotların qəbulu və buraxılışı üçün nəzərdə tutulmuş ACAMS işıqlandırma kompleksi quraşdırılmışdır.[5]

Hava limanında aşağıdakı işıq-siqnal və radio-texnika avadanlıqları quraşdırılmışdır: Baklan-RN, Sirut-1, R-414 Bereza, ATSP-438 Sineva, işıq fanarları ZOV, ARP-80, PAR-10.[3]

Həmçinin bax

İstinadlar
  1. Airport record for Zabrat Airport Arxivləşdirilib 2015-06-23 at the Wayback Machine at Landings.com. Retrieved 2013-08-08
  2. Google. location of Zabrat Airport (Xəritə) // Google Maps. Google. 2013-08-08. İstifadə tarixi: 2013-08-08.
  3. "MÜLKİ HAVA NƏQLİYYATI". Azerbaijan (az.). 2018-08-07 tarixində arxivləşdirilib. İstifadə tarixi: 7 avqust 2018.
  4. ""Silk Way Helicopter Services"in baş direktoru: "Burada səhv bağışlanılmır" - REPORTAJ". Report.az (az.). 4 iyul 2018. 2018-08-07 tarixində arxivləşdirilib. İstifadə tarixi: 7 avqust 2018.
  5. "HAVA LİMANI". SWHS (az.). 2018-08-07 tarixində arxivləşdirilib. İstifadə tarixi: 7 avqust 2018.

Xarici keçidlər
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.