Zəhra Kərimova

Zəhra Kərimova
Zəhra Kərimova
Azərbaycan Həmkarlar İttifaqları Şurasının sədri
	22 sentyabr 1952 – 5 aprel 1954
Əvvəlki	İsmayıl Əsgərov
Sonrakı	Tahirə Tahirova
Azərbaycan SSR ictimai təminat naziri
	28 mart 1946 – 6 noyabr 1952
Əvvəlki	vəzifənin adı dəyişdirilib
Sonrakı	Züleyxa Seyidməmmədova
Azərbaycan SSR xalq ictimai təminat komissarı
	13 yanvar 1942 – 28 mart 1946
Əvvəlki	Leyla Babazadə
Sonrakı	vəzifənin adı dəyişdirilib
Azərbaycan Kommunist Partiyası Kirov Rayon Komitəsinin birinci katibi
	1938 – 1942
Şəxsi məlumatlar
Doğum tarixi	1909
Doğum yeri	Eyvazlı, Zəngəzur qəzası, Yelizavetpol quberniyası, Rusiya imperiyası;
Vəfat tarixi	1990
Vəfat yeri	Bakı, Azərbaycan SSR, SSRİ;
Təltifləri

Zəhra Adıgözəl qızı Kərimova (1909, Eyvazlı, Zəngəzur qəzası – 1990, Bakı) — Azərbaycan-sovet dövlət xadimi, Azərbaycan SSR ictimai təminat komissarı (1942–1946) və naziri (1946–1952), Azərbaycan Həmkarlar İttifaqları Şurasının sədri (1952–1954), Azərbaycan Kommunist Partiyası Kirov Rayon Komitəsinin birinci katibi (1938–1942).

Həyatı

Zəhra Adıgözəl qızı Kərimova 1909-cu ildə Zəngəzur qəzasının (hazırda Qubadlı rayonunun) Eyvazlı kəndində anadan olub. 1918-ci ildə erməni daşnaklarının azğınlığı nəticəsində Ağdama köçürlər. Əmək fəaliyyətinə 1920-ci ildə corab artelində başlayır. Gündüzlər işləyib, gecələr oxuyur. Komsomola keçir və 1928-ci ildə Bakıya partiya məktəbində oxumağa gəlir. 1930-cu ildə partiyaya keçir və rayonlara işləməyə göndərilir. Masallı RPŞ-də təşviqatçı, Gəncə RPŞ-də partiya kadrlar şöbəsinin müdiri, 1934-cü ildə Ağcabədi MTS siyasi şöbəsinin müavini işləmişdir.[1]

Zəhra Kərimova 1938-ci ildə Azərbaycan Kommunist Partiyası Kirov Rayon Komitəsinin birinci katibi seçilir, 1939–1940-cı illərdə Moskva Ali Partiya Məktəbində oxuyaraq XVIII qurultaya nümayəndə olur. 1942-ci ilin yanvar ayında Azərbaycan SSR xalq ictimai təminat komissarı təyin olunur.[2] 10 ildən artıq nazir olduqdan sonra 1952-ci ildə Azərbaycan Həmkarlar İttifaqları Şurasının sədri sədri seçilir.

Zəhra Kərimova nazir işləyə-işləyə Azərbaycan Dövlət Universitetinin tarix fakültəsinə sənəd verərək oranı fərqlənmə diplomu ilə bitirib. 1954-cü ildə Nazirlər Sovetinə şöbə müdiri təyin edilmişdir. 1942-ci ildə "Lenin" ordeni, 1945-ci ildə isə "Şərəf nişanı" ordeni ilə təltif olunmuşdur.

1959-cu ildən İttifaq əhəmiyyətli təqaüdçü olmuşdur. 1990-cı ildə vəfat etmişdir.

İstinadlar

"Zəhra Adığözəl qızı Kərimova". 2016-10-19 tarixində arxivləşdirilib. İstifadə tarixi: 2013-10-15.
З. Ә. Кәримова йолдашын Азәрбайҹан ССР иҹтимаи тә'минат комиссары тә'йин еилмәси һаггында Азәрбайҹан ССР Баш Совети Президиумунун Фәрманы // Коммунист. № 11 (6104). 14 январ 1942-ҹи ил. С. 1.

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.

[1] "Zəhra Adığözəl qızı Kərimova". 2016-10-19 tarixində arxivləşdirilib. İstifadə tarixi: 2013-10-15.

[2] З. Ә. Кәримова йолдашын Азәрбайҹан ССР иҹтимаи тә'минат комиссары тә'йин еилмәси һаггында Азәрбайҹан ССР Баш Совети Президиумунун Фәрманы // Коммунист. № 11 (6104). 14 январ 1942-ҹи ил. С. 1.