Yuri Fidler

Fidler Yuri Vladimiroviç (16 iyun 1898, Saratov – 14 may 1981, Bakı) — şair, tərcüməçi, 1939-cu ildən Azərbaycan Yazıçılar Birliyinin üzvü (ədəbi təxəllüsləri "Yeqor Yexidnı", "Optimist", "Yurfi", "D.İrinin").[mənbə göstərin]

YURİ FİDLER
Yuri Vladimiroviç Fidler
Doğum tarixi
Doğum yeri Saratov, Rusiya
Vəfat tarixi (82 yaşında)
Vəfat yeri
Vətəndaşlığı
Fəaliyyəti şair
Mükafatları "Qafqazın müdafiəsinə görə" medalı "Əmək veteranı" medalı

Həyatı

Yuri Fidler 1898-ci il iyunun 16-da Saratov şəhərində məhkəmə məmuru ailəsində doğulmuşdur. Pyatiqorsk gimnaziyasında, sonra I Bakı gimnaziyasında orta təhsil almışdır (1907-1917). Əmək fəaliyyətinə 1917-ci ildən başlamışdır. Culfa-Bakı dəmiryolu idarəsində tabelçi-fəhlə (1917-1918), ərzaq idarəsində kontor işçisi (1918), Yessentukidə milis işçisi (1918-1919), Azərbaycan hərbi sanitariya idarəsində icraçı (1920), sonra katib (1921-1922), Rostov dövlət ticarəti kontorunda hesabdar (1922-1923), Keçmiş SSRİ Ticarət-Sənaye Bankının Azərbaycan kontorunda hesabdar, mühasib köməkçisi, müxbir, sığorta şöbəsinin müdiri (1923-1927), Bakı trestlərinin birində hesabdar (1927-1929), "Vışka" qəzeti redaksiyasında felyetonçu (1929-1932) işləmişdir. Sonra yaradıcılıq fəaliyyəti ilə məşğul olmuşdur.

1981-ci il mayın 14-də vəfat etmişdir.

Yaradıcılığı

Ədəbi fəaliyyətə 1920-ci ildən başlamış, felyeton və satirik şeirlərini "Krokodil", "Smexaç", "Begemot" jurnallarında dərc etdirmişdir. Hekayələr, pyeslər yazmış, Azərbaycan xalq və aşıq şeirlərini tərcümə etmiş, uşaq yazıçısı kimi fəaliyyət göstərmişdir.

Mükafatları
  • Azərbaycan SSR Ali Soveti Rəyasət Heyətinin Fəxri Fərmanı — 27.06.1978[1]
  • "Qafqazın müdafiəsinə görə" medalı
  • "1941-1945-ci illər Böyük Vətən müharibəsində fədakar əməyə görə" medalı
  • "Əmək veteranı" medalı

Əsərləri
  • 1. Дочка героя. Баку: Детюниздат, 1939, 26 стр.
  • 2. Разговор на чистоту. Баку: Азернешр, 1947, 49 стр.
  • 3. Стихи и сказки. Баку: Детюниздат, 1950, 120 стр.
  • 4. Пещерные люди. Баку: Азернешр, 1952, 68 стр.
  • 5. Школьные знаменитости. Баку: Детюниздат, 1954, 24 стр.
  • 6. Сатирические стихи. Баку: Азернешр, 1956, 80 стр.
  • 7. Между нами говоря... Баку: Азернешр, 1958, 116 стр.
  • 8. Четверка за поведение. Баку: Детюниздат, 1960, 70 стр.
  • 9. Накип. Баку: Азернешр, 1962, 120 стр.
  • 10.Избранные сатирические стихи и фельетоны (1927-1967). Баку: Азернешр, 1970, 316 стр.
  • 11.За пол века. (стихи). Баку: Язычы, 1980, 143 стр.

Tərcümələri

(azərbaycancadan)

  • 1.Слово сердца. Баку: Азернешр, 1944, 56 стр.
  • 2.А. Шаик. Стихи и сказки. Баку: Детюниздат, 1950, 234 стр.
  • 3.Братья сатирики. Баку: Азернешр, 1966, 163 стр.

İstinadlar
  1. Şair Y.V.Fidlerin Azərbaycan SSR Ali Soveti Rəyasət Heyətinin Fəxri Fərmanı ilə təltif edilməsi haqqında Azərbaycan SSR Ali Soveti Rəyasət Heyətinin 27 iyun 1978-ci il tarixli Fərmanı Arxivləşdirilib 2020-01-16 at the Wayback Machine — anl.az saytı
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.