Yola (inzibati vahid)

Yola — XVIII əsrin I yarısında Rusiyanın tabeliyində olan başqırd torpaqlarında mövcud olmuş inzibati vahid — dairə. XVIII əsrin birinci yarısında Başqırdıstan 4 yola (inzibati dairə) bölünmüşdü.[1]

Noqay yolası

XVIII əsrdə indiki Başqırdıstanın mərkəz və cənub hissəsi Noqay yolası adlanırdı.

Kazan yolası

Başqırdıstanın qərb hissəsini əhatə edən torpaqlada yerləşən inzibati vahid isə Kazan yolası adlandırılmışdır.

Sibir yolası

Sibir yolası adlanan üçüncü yol Uralarxası şərq və Cənubi Uralarxası torpaqların şərq hissəsini əhatə edirdi.

Osin yolası

Ufadan şimala uzanan nazik zolaq Osin yolası adlanırdı.

Yolaların daxili inzibati bölgüsü

Yolalar isə öz növbəsində volostlara bölünmüşdü. XVIII əsrin ortalarında 42 volost qeydə alınmışdı. Volostlarda inzibati və polis hakimiyyəti başqırd starşinası və yüzbaşının ixtiyarında idi. Hər bir volostda əhalinin sayından asılı olaraq bir neçə starşina fəaliyyət göstərirdi.[2]

İstinadlar
  1. Əhmədov R. Türk xalqlarının tarixi (XIII–XX əsrin əvvəlləri). Dərs vəsaiti. Sumqayıt: 2013, s. 152
  2. Əhmədov R. Türk xalqlarının tarixi (XIII–XX əsrin əvvəlləri). Dərs vəsaiti. Sumqayıt: 2013, s. 152
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.