Xaviyer Bardem

Xavyer Bardem aktyor ailəsində dünyaya gəlib. Onun babası Rafael Bardem, nənəsi Matilda Munyos Samperdo, anası Pilar Bardem, bacısı Monika Bardem və qardaşı Karlos Bardem də aktyor olublar.

Kino karyerası başlamazdan əvvəl Xavyer reqbi üzrə İspaniya yığmasının üzvü olub. O, həmçinin bədii-sənaye məktəbində rəssamlığı öyrənirdi.

Xavyer Bardem — müxtəlif kinopremiyaların sahibidir. Ona həmçinin «Çox az vaxt» və «Detektiv və ölüm» filmlərindəki roluna görə 1994-cü ildə San-Sebastyan beynəlxalq kinofestivalın mükafatı təqdim olunub . Bir il sonra ən yaxşı ikinci plan kişi roluna görə Qoya mükafatını alıb . 1996-cı ildə Bardem ən yaxşı kişi roluna görə Qoya mükafatına layiq görülüb.

1997-cu ildə Bardem Avropa kinoakademiyasının tamaşaçı rəğbətinin mükafatını alır.

«Gecə olmayınca» filmində kubalı yazıçı Reynaldo Arenas roluna görə Venesiya kinofestivalının mükafatına layiq görülür. 2000-ci ildə «Gecə olmayınca» filmində ən yaxşı kişi roluna görə Oskara namizəd ilk ispan aktyor kimi tarixə düşür.

Bardem «Günəş altında bazar ertəsi» filmində ən yaxşı kişi roluna görə yenə Qoya mükafatını alır.

2005-ci ildə Bardem Alexandro Amenabaranın "İçəridən olan dəniz" filmində çəkilir. Evtanaziyanın leqallaşdırılması uğrunda mübarizə edən iflic olmuş kişi roluna görə Barden Venesiya kinofestivalı, Avropa kinoakademiyasının mükafatlarını alır və «Qızıl qlobus»a namizədliyə layiq görünür. Həmin ildə də "İçəridən olan dəniz" filmi ən yaxşı xarici filmə görə Oskar alır.

"Qocalara burada yer yoxdur" filmindən kadr

2008-ci ildə Xavyer Bardem "Qocalara burada yer yoxdur" filmində ən yaxşı ikinci plan kişi roluna görə "Qızıl qlobus" mükafatını alır. O. həmin rola görə ən yaxşı ikinci plan kişi roluna görə Oskar alır.

Xavyer Bardemin rəfiqəsi — aktrisa Penelopa Kruzdur.

1. Javier Bardem // filmportal.de. 2005.
2. Javier Bardem // Brockhauz Ensiklopediyası (alm.).