Xızrı Şıxsəidov

Xızrı Şıxsəidov (1 avqust 1947, Buynaksk, Dağıstan MSSR) — rusiyalı dövlət xadimi, siyasətçi. 7 fevral 2013-cü ildən etibarən Dağıstan Respublikası Xalq Məclisinin sədri.[1] Daha əvvəl Rusiya Dövlət Dumasının Vahid Rusiya Partiyasından V və VI çağırış millət vəkili.[2]

Xızrı Şıxsəidov
bayraq
Dağıstan Respublikası Xalq Məclisinin sədri
bayraq2
7 fevral 2013 – 30 sentyabr 2021
ƏvvəlkiMəhəmməd-Sultan Məhəmmədov
SonrakıZaur Askenderov
bayraq
Dağıstan Respublikası Hökumətinin sədri
bayraq2
20 avqust 1997 – 13 oktyabr 2004
ƏvvəlkiƏbdürrəzzaq Mirzəbəyov
SonrakıAtay Əliyev
bayraq
Dağıstan Respublikası Hesablama Palatasının sədri
bayraq2
13 oktyabr 2004 – 16 mart 2007
ƏvvəlkiAtay Əliyev
SonrakıMalik Baqliyev
Şəxsi məlumatlar
Doğum tarixi 1 avqust 1947(1947-08-01) (76 yaş)
Doğum yeri
Partiya
Fəaliyyəti siyasətçi
Təltifləri "Şərəf" ordeni "Dostluq" ordeni "Dostluq" ordeni Order "For Merit to the Republic of Dagestan"
Government Prize in Culture
Vikianbarın loqosu Vikianbarda əlaqəli mediafayllar

Həyatı və təhsili

Xızrı Şıxsəidov 1 avqust 1947-ci ildə Buynaksk şəhərində anadan olub. Milliyyətcə qumuqdur.[1][3][4] 1954-cü ildən 1965-ci ilə qədər Buynaksk şəhər 2 nömrəli məktəbdə təhsil alıb. 1965-ci ildə Dağıstan Kənd Təsərrüfatı İnstitutunda bağçılıq və üzümçülük fakültəsinə daxil olub.

1970-ci ildə Dağıstan Kənd Təsərrüfatı İnstitutunu, 1982-ci ildə isə Rostov Ali Partiya məktəbini bitirib.[1]

Fəaliyyəti

1970-ci ildən Buynaksk rayonunda kənd təsərrüfatı sahəsində aqronom kimi fəaliyyət göstərməyə başlayıb. 1971-ci ildən Daqsadvintrestdə aqronom kimi, Markovskiy sovxozunun baş aqronomu kimi işə başlayıb. Sonradan müxtəlif vəzifələrdə, partiya orqanlarında və respublikanın kənd təsərrüfatı müəssisələrində fəaliyyət göstərib. 1985–1990-cı illərdə Dağıstan SSR-nın Ali Sovetinin IX çağırış millət vəkili, 1990-cı ildən 1995-ci ilə qədər Dağıstan Respublikasının Ali Sovetinin xalq deputatı olub. 1992-ci ilin noyabr ayından 1995-ci ilin oktyabr ayına qədər Müqaviləli Respublika Korporasiyası olan "Daqvino"-nun prezidenti olub. 1995-ci ildə Dağıstan Respublikasının Xalq Məclisinin deputatı seçilib. Elə həmin ildə Dağıstan Respublikasının Hesablamalar palatasının sədri təyin edilib. 1997-ci ilin avqust ayında Dağıstan Respublikası Hökumətinin sədri təyin edilib. Bunla yanaşı həm də Dağıstan Respublikasının Dövlət Məclisi sədrinin birinci müavini vəzifəsini icra edib. 2004-cü ilin oktyabr ayından Dağıstan Respublikasının Hesablamalar palatasının sədridir. 2007–2013-cü illər arasında Rusiya Federasiyasının Dövlət Dumasının Federal Məclisinin deputatı olub. 2013-cü ilin fevral ayından etibarən Dağıstan Respublikasının Xalq Məclisinin sədridir. Vahid Rusiya partiyasının Ümumrusiya Baş Şurasının üzvü, Dağıstan regional şöbəsinin katibidir.[1]

Mükafatları
  • "Dostluq" ordeni (Rusiya) (31 oktyabr 1998-ci il) — Dövlət qarşısındakı ləyaqətli xidmətinə, uzun müddətli vicdanlı əməyinə və eləcə də xalqlar arasında dostluğun və əməkdaşlığın möhkəmləndirilməsi üçün verdiyi töhfələrə görə.[2]
  • "Şərəf" ordeni (Rusiya) (16 oktyabr 2012-ci il) — Rusiya parlamentarizminin inkişafına verdiyi böyük töhfələrə görə və eləcə də aktiv qanunverici fəaliyyətinə görə.[5]
  • "Dostluq" ordeni (Azərbaycan) (31 iyul 2017-ci il) — Azərbaycan Respublikası və Rusiya Federasiyası arasında eləcə də Azərbaycan və Dağıstan xalqlarlı arasında, dostluq əlaqələrinin və əməkdaşlığın inkişafı üçün göstərdiyi xüsusi səylərə görə.[6]
  • "Dağıstan Respublikasına xidmətlərinə görə" ordeni.
  • Dağıstan Respublikasının "Doğma torpağa sevgi" şərəf nişanı.
  • Rusiya Federasiyasının Federal Məclisinin Dövlət Dumasının "Parlamentarizmin inkişafına xidmətlərinə görə" şərəf nişanı.

İstinadlar
  1. "Шихсаидов Хизри Исаевич / Şıxsəidov Xızrı İsayeviç" (rus. ). kavkaz-uzel.eu. 8 fevral 2013. 5 oktyabr 2010 tarixində arxivləşdirilib. İstifadə tarixi: 25 dekabr 2020.
  2. "Указ Президента Российской Федерации от 13.10.1998 г. № 1226" (rus. ). kremlin.ru. 13 oktyabr 1998. 2020-11-17 tarixində orijinalından arxivləşdirilib. İstifadə tarixi: 25 dekabr 2020.
  3. Yelena Fedotova, Yuliya Rıbin. "Как управляется Дагестан / Dağıstan necə idarə olunur?" (rus. ). kommersant.ru. 17 oktyabr 2017 tarixində arxivləşdirilib. İstifadə tarixi: 25 dekabr 2020.
  4. İvan Suxov. "Страна гор/ Dağlar ölkəsi" (rus. ). vremya.ru. 17 fevral 2010. 24 dekabr 2010 tarixində arxivləşdirilib. İstifadə tarixi: 25 dekabr 2020.
  5. "Указ Президента Российской Федерации от 16.10.2012 № 1406 "О награждении государственными наградами Российской Федерации"" (rus. ). publication.pravo.gov.ru. 17 oktyabr 2010. 17 iyul 2019 tarixində arxivləşdirilib. İstifadə tarixi: 25 dekabr 2020.
  6. "Распоряжение Президента Азербайджанской Республики о награждении X.И. Шихсаидова орденом «Dostluq» («Дружба») / X.İ.Şıxsəidovun "Dostluq" ordeni ilə təltif edilməsi haqqında Azərbaycan Respublikası Prezidentinin Sərəncamı" (rus. ). president.az. 31 iyul 2017. 6 avqust 2017 tarixində arxivləşdirilib. İstifadə tarixi: 25 dekabr 2020.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.