WikiLeaks

WikiLeaks
WikiLeaks
	WikiLeaks
URL	wikileaks.org
Tipi	Beynəlxalq təşkilat
Dilləri	ingilis dili
Müəllif (lər)	Culian Assanj
Açılma tarixi	4 oktyabr 2006
Alexa reytinqi	16.899 (20 noyabr 2017)[1];
	Vikianbarda əlaqəli mediafayllar

VikiLiks (ing. WikiLeaks) — dövlət, korporasiya və ya dinə məxsus olan sızdırılmış məxfi məlumat və sənədləri dərc edən beynəlxalq sosial internet layihə. Sayt kriptoqrafiyanın (encryption) hərbi məqsədlər üçün istifadə edilən alqoritmlər vasitəsilə məlumatı sızdıranın kimliyini və yerini maksimal dərəcədə məxfi saxlayır. Saytın hostu İsveçdə mənzillənən "yüksək dərəcədə etibarlı, məxfi və heç bir sual soruşmayan" PRQ İnternet provayderidir. Bununla yanaşı, Vikiliks öz serverlərini heç bir spesifik yerdə mənzilləmir.[2]

Senzura

VikiLiksi internetdən yığışdırmaq üçün edilmiş bütün cəhdlərin boşa çıxmasına baxmayaraq, sayt Çin və Avstraliyada müəyyən dərəcədə senzuraya məruz qalmışdır. Belə ki, Çində əsas axtarış sistemləri, Baidu və Yahoo! da daxil olmaqla, Vikiliksə olan bütün keçidləri qadağan etmişlər. Avstraliyada isə 16 mart 2009-da Vikiliksə linki olan bütün sayt URL-lərinin qara siyahısı hazırlanmışdır. Senzura tətbiq olunduğu halda, Avstraliyadan bu saytlara giriş mümkün olmayacaq.

Saytın rəhbəri Culian Assanj müsahibələrində dəfələrlə bildirmişdir ki, Amerika hakimiyyəti onu cəzalandırmağa hazırlaşır. Bir neçə ay müddətinə saytda "Sığorta" adlı xüsusi məxfi fayl yerləşdirilmişdi. Bu faylı internetdən endirmək mümkün olsa da, onu açmaq üçün xüsusi kod lazımdır. Ehtimal olunur ki, bu faylda yerləşdirilən kompromatlar ABŞ hakimiyyətini daha çox narahat edir və Assanja qarşı sui-qəsd olacağı halda oradakı məlumatlar yayımlanacaq.

Bu saytda Azərbaycana və birbaşa Azərbaycan hökumətinə aid sənədlər də dərc olunub. Azərbaycan Prezidentinin Mətbuat Xidməti isə bu materialları Azərbaycanın qonşu dövlətlərlə münasibətlərini korlamaq, ölkə başçıları arasında inamsızlıq və etimadsızlıq yaratmaq məqsədi daşıyan açıq təxribat adlandırmışdır.[3]

Xarici keçidlər

İstinadlar

https://web.archive.org/web/20171120174314/https://www.alexa.com/siteinfo/https://wikileaks.org/.
Goodin, Dan. "Wikileaks judge gets Pirate Bay treatment". The Register. 21 February 2008. 17 October 2013 tarixində arxivləşdirilib. İstifadə tarixi: 22 October 2009.
"Azərbaycan Prezidentinin Mətbuat Xidməti "Wikileaks" saytındakı məlumatlara münasibət bildirdi". 2010-12-02 tarixində orijinalından arxivləşdirilib. İstifadə tarixi: 2010-12-01.

Həmçinin bax

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.

[_cfca5e620dafb469-1] ttps://web.archive.org/web/20171120174314/https://www.alexa.com/siteinfo/https://wikileaks.org/.

[2] Goodin, Dan. "Wikileaks judge gets Pirate Bay treatment". The Register. 21 February 2008. 17 October 2013 tarixində arxivləşdirilib. İstifadə tarixi: 22 October 2009.

[3] "Azərbaycan Prezidentinin Mətbuat Xidməti "Wikileaks" saytındakı məlumatlara münasibət bildirdi". 2010-12-02 tarixində orijinalından arxivləşdirilib. İstifadə tarixi: 2010-12-01.