Veniamin Mayorov

Veniamin Mayorov
Veniamin Mayorov
	rus. Вениамин Степанович Майоров
Azərbaycan Respublikasının mənzil-kommunal təsərrüfatı naziri
	5 fevral 1991 – 26 noyabr 1992
Əvvəlki	vəzifənin adı dəyişdirilib
Sonrakı	Sücəddin Abdullayev
Azərbaycan SSR mənzil-kommunal təsərrüfatı naziri
	27 mart 1980 – 5 fevral 1991
Əvvəlki	Əli Topçiyev
Sonrakı	vəzifənin adı dəyişdirilib
Bakı Şəhər Xalq Deputatları Soveti İcraiyyə Komitəsi sədrinin birinci müavini
	1969 – 1980
Sədr	Ramazan Abdullayev; Aydın Məmmədov
Azərbaycan SSR Xalq Nəzarəti Komitəsinin sədrinin müavini
	1965 – 1969
Sədr	Əli Kərimov
Azərbaycan Partiya-Dövlət Nəzarəti Komissiyası sədrinin müavini
	1963 – 1965
Sədr	Əli Kərimov
Lenin Rayon Zəhmətkeş Deputatları Soveti İcraiyyə Komitəsinin sədri
	1961 – 1963
Şəxsi məlumatlar
Doğum tarixi	16 sentyabr 1930 (93 yaş)
Doğum yeri	Bakı, Azərbaycan SSR, ZSFSR, SSRİ;
Partiya	Sovet İttifaqı Kommunist Partiyası (1959–1991);
Təhsili	Azərbaycan Dövlət Neft və Sənaye Universiteti;
Təltifləri

Veniamin Stepanoviç Mayorov (rus. Вениамин Степанович Майоров; 16 sentyabr 1930, Bakı) — Azərbaycan ictimai-siyasi xadimi, Azərbaycanın mənzil-kommunal təsərrüfatı naziri (1980–1992), Azərbaycan SSR Ali Sovetinin VI–XI çağırış deputatı.

Həyatı

Veniamin Stepanoviç Mayorov 16 sentyabr 1930-cu ildə Bakı şəhərində anadan olmuşdur. Orta məktəbi bitirdikdən sonra Azərbaycan Sənaye İnstitutuna daxil olmuş, buranı dağ-mədən mühəndisliyi ixtisası üzrə başa vurmuşdur. Əmək fəaliyyətinə 1953-cü ildə "Leninneft" neft-qazçıxarma idarəsinin 11 saylı mədənində neftçıxarma operatoru kimi başlamışdır. Sonrakı illərdə neftçıxarma üzrə usta köməkçisi, ərazi müdiri, böyük mühəndis, sahə müdiri vəzifələrində çalışmışdır.[1]

Veniamin Mayorov 1961-ci ildə Lenin Rayon Zəhmətkeş Deputatları Soveti İcraiyyə Komitəsinin sədri seçilmiş, 1963-cü ildə Azərbaycan KP MK və Azərbaycan SSR Nazirlər Soveti Partiya-Dövlət Nəzarəti Komissiyasının sədrinin müavini (1965-ci ildən Azərbaycan SSR Xalq Nəzarəti Komitəsi sədrinin müavini) təyin edilmiş və bu vəzifədə 1969-cu ilədək çalışmışdır. 1969–1980-ci illərdə Bakı Şəhər Xalq Deputatları Soveti (1977-ci ilədək Zəhmətkeş Deputatları Soveti) İcraiyyə Komitəsi sədrinin birinci müavini olmuşdur.[2]

1980-ci ildə Veniamin Mayorov Azərbaycan SSR mənzil-kommunal təsərrüfatı naziri təyin edilmiş və bu vəzifədə 1992-ci ilədək çalışmışdır. Azərbaycanda Rus İcması yaranandan (1993-cü ildən) burada sədr müavini, paralel olaraq 1997-ci ildən Moskva Dövlət Açıq Universitetinin Bakı filialının rektoru vəzifəsində çalışmışdır.[3]

Veniamin Mayorov 1959-cu ildən Sovet İttifaqı Kommunist Partiyasının üzvü olmuş, altı çağırış (6–11-ci çağırış) Azərbaycan SSR Ali Sovetinin deputatı seçilmişdir. Azərbaycan Kommunist Partiyası Mərkəzi Komitəsi üzvlüyünə namizəd, Azərbaycan KP Təftiş Komissiyasının üzvü olmuşdur.[2] "Qırmızı əmək bayrağı" ordeni, SSRİ medalları, Azərbaycan SSR Ali Soveti Rəyasət Heyətinin fəxri fərmanları ilə təltif edilmişdir.[3] 23 dekabr 2004-cü ildə Azərbaycan Respublikası Prezidentinin fərdi təqaüdünə[4] layiq görülmüş, 15 sentyabr 2020-ci ildə isə "Şöhrət" ordeni ilə mükafatlandırılmışdır.[5]

İstinadlar

"Майорову Вениамину Степановичу - 90!". novoye-vremya.com (rus). 2020-09-15. 2023-06-27 tarixində arxivləşdirilib. İstifadə tarixi: 2023-06-27.
Мајоров Вениамин Степанович // Азәрбајҹан ССР Али Советинин депутатлары. Он биринҹи чағырыш. Бакы: Азәрбајҹан ССР Али Совети Рәјасәт Һеј'әтинин нәшри. 1985. С. 233.
Георгий Заплетин; Гюльнара Ширин-заде. Русские в истории Азербайджана (rus). Баку: Ганун. 2008. səh. 228–230.
"Azərbaycan Respublikası Prezidentinin fərdi təqaüdlərinin verilməsi haqqında Azərbaycan Respublikası Prezidentinin Sərəncamı". e-qanun.az. 23 dekabr 2004. 2022-12-06 tarixində arxivləşdirilib. İstifadə tarixi: 2023-06-27.
"V.S.Mayorovun "Şöhrət" ordeni ilə təltif edilməsi haqqında Azərbaycan Respublikası Prezidentinin Sərəncamı". e-qanun.az. 15 sentyabr 2020. 2023-06-27 tarixində arxivləşdirilib. İstifadə tarixi: 2023-06-27.

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.

[1] "Майорову Вениамину Степановичу - 90!". novoye-vremya.com (rus). 2020-09-15. 2023-06-27 tarixində arxivləşdirilib. İstifadə tarixi: 2023-06-27.

[dep11-2] Мајоров Вениамин Степанович // Азәрбајҹан ССР Али Советинин депутатлары. Он биринҹи чағырыш. Бакы: Азәрбајҹан ССР Али Совети Рәјасәт Һеј'әтинин нәшри. 1985. С. 233.

[ruaz-3] Георгий Заплетин; Гюльнара Ширин-заде. Русские в истории Азербайджана (rus). Баку: Ганун. 2008. səh. 228–230.

[4] "Azərbaycan Respublikası Prezidentinin fərdi təqaüdlərinin verilməsi haqqında Azərbaycan Respublikası Prezidentinin Sərəncamı". e-qanun.az. 23 dekabr 2004. 2022-12-06 tarixində arxivləşdirilib. İstifadə tarixi: 2023-06-27.

[5] "V.S.Mayorovun "Şöhrət" ordeni ilə təltif edilməsi haqqında Azərbaycan Respublikası Prezidentinin Sərəncamı". e-qanun.az. 15 sentyabr 2020. 2023-06-27 tarixində arxivləşdirilib. İstifadə tarixi: 2023-06-27.