Veb-hostinq

Veb hostinq — (ing. Web Hosting) və yaxud internet hostinq servisləri müştərilərinin veb saytlarını özünə aid məlumat mərkəzlərində saxlayır və həmin veb saytların bütün dünya üzərində əlçatan olmasını təmin edir. Müştərilərinin veb saytlarını özünə aid kompüterlərdə(serverlərdə) və yaxud data centerlərdə saxlayan şirkətlər veb host olaraq da adlandırılır.

Tipik veb hostinqlərdə aşağıdakı keyfiyyətlər olur:

  • Saytları host etmək üçün bir və ya birdən çox server. Bu serverlər fiziki və ya virtual ola bilər.
  • Serverləri saxlamaq üçün məkan. Bu bir kolokasiya mərkəzi ola bilər. Həmin bu məkanda elektrik enerjisi, cihazlar üçün fiziki yer və internet bağlantısı olmalıdır.
  • DNS-in olması. DNS domenləri veb hostinqə yönəltmək üçün istifadə olunur.
  • Hostda veb serverin işləməsi.
  • Serverdə olan veb saytlar üçün isə aşağıdakılar tələb olunur:
    • Serverdə olan veb saytların məlumatları saxlam üçün lazımi qədər disk yeri olması.
    • Hər sayta spesifik konfiqurasiya.
    • Əksər veb saytlar üçün Databaza.
    • Veb saytları yaratmaq və idarə etmək üçün proqram təminatı.
    • Veb saytın və ya hostun müştəriyə məktub göndərməsi üçün e-poçt.

Tarixi

1991-ci ilədək internetin istifadəsi yalnız elmi araşdırma və mühəndislik sahələri üçün məhdud idi. Sözü gedən illərdə internet əsasən e-poçt, telnet, FTP və USENET traffiki(protokolu) üçün istifadə olunurdu. Bu illərdə internet üzərində çox az miqdarda veb saytlar mövcud idi. World Wide Web protokolu hələ təzəcə yazılmışdı. 1993-cü ilədək Mac və Windows əməliyyat sistemləri üçün qrafik veb brauzer mövcud deyildi. Bu illərdə internetə daxil olan bilən insan sayı artsada, 1995-ci ilədək ortada qarma-qarışıqlıq mövcud idi.

Həmin dövrdə bizneslər və ya inviduallar öz veb saytlarını yayımlamaq istəsəydi onlar server və yaxud kompüteri sahibi olmalı idilər. Əksər şirkətlərin bunun üçün lazımi büdcəsi olmadığından veb hostinq şirkətləri öz serverlərini şirkətlərə kirayələməyə başladı. Beləliklədə veb hostinq servisləri artmağa başladı.[1] Veb hostinq şirkətləri müştərilərinin server və yaxud kompüter sahibi olmadan öz veb saytlarını internetdə yayımlamasını təmin edirdi. Həmin dövrdə veb sayt sahiblərinə vebmaster deyilirdi. Vebmasterlər veb hostinq şirkətlərindən hostinq kirayələyib, həmin hostinqə sayt yerləşdirib, vebdə paylaşırdılar.

İstinadlar
  1. "How the web went world wide". 2018-06-25 tarixində arxivləşdirilib. İstifadə tarixi: 2022-01-28.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.