Ursula fon der Leyen

Ursula fon der Leyen (8 oktyabr 1958[1][2][…], İksel[d]) — 2019-cu ildən Avropa Komissiyasının 13-cü prezidenti vəzifəsində çalışan alman həkim və siyasətçi. O, 2005-2019-cu illər arasında Almaniya federal hökumətində çalışıb, Angela Merkelin kabinetində ardıcıl vəzifələr tutub, axırıncı dəfə federal müdafiə naziri olub. Von der Leyen mərkəz-sağ Xristian Demokrat İttifaqının (XDİ) və onun Aİ-yə bağlı qrupu olan Avropa Xalq Partiyasının (EPP) üzvüdür.

Ursula fon der Leyen
alm. Ursula von der Leyen‎
Vəzifədədir
1 dekabr 2019-cu ildən
Şəxsi məlumatlar
Doğum adı Ursula Gertrud Albrecht
Doğum tarixi 8 oktyabr 1958(1958-10-08)[1][2][…] (65 yaş)
Doğum yeri
Partiya
Təhsili
Fəaliyyəti həkim, siyasətçi, equestrian
Uşaqları 7
Dini Lüteranlıq[3]
Elmi fəaliyyəti
Elmi dərəcəsi
Təltifləri 1-ci dərəcəli "Knyaz Yaroslav Mudrı" ordeni Knight Grand Cross of the Order for Merits to Lithuania
İmzanın şəkli
Vikianbarın loqosu Vikianbarda əlaqəli mediafayllar

Ursula fon der Leyen Belçikanın Brüssel şəhərində alman ailədə doğulub və böyüyüb. Onun atası Ernst Albrext Avropanın ilk dövlət qulluqçularından biri idi. O, ikidilli olaraq alman və fransız dillərində böyüyüb və atası Almaniya siyasətinə qoşulduqda 1971-ci ildə Almaniyaya köçüb. O, 1978-ci ildə London İqtisadiyyat Məktəbini bitirib, 1987-ci ildə isə Hannover Tibb Məktəbindən tibbi lisenziya alıb. Həkim yoldaşı Heiko von der Leyen ilə evləndikdən sonra 1990-cı illərdə ailəsi ilə birlikdə dörd il ABŞ-da yaşayıb. Almaniyaya qayıtdıqdan sonra 1990-cı illərin sonlarında Hannover bölgəsində yerli siyasətlə məşğul olub və 2003-2005-ci illərdə Aşağı Saksoniya əyalət hökumətində kabinet naziri vəzifəsində çalışıb.

2005-ci ildə o, federal kabinetə qatılıb, əvvəlcə 2005-2009-cu illərdə ailə və gənclər naziri, sonra 2009-2013-cü illərdə əmək və sosial işlər naziri, nəhayət, 2013-2019-cu illərdə ilk qadın müdafiə naziri olub.[5] O, vəzifəsini tərk edərkən, Merkel kansler olduqdan sonra Merkelin kabinetində davamlı olaraq xidmət edən yeganə nazir idi. O, 2010-2019-cu illərdə XDİ liderinin müavini vəzifəsində çalışıb və Merkeldən sonra Almaniya kansleri vəzifəsinə əsas namizəd və Yens Stoltenberqdən sonra NATO baş katibi vəzifəsinə favorit kimi baxılıb. Böyük Britaniyanın müdafiə naziri Maykl Fallon 2019-cu ildə onu NATO ictimaiyyətində "ulduz" və "beş ildən çox NATO nazirlərinin duayeni" kimi təsvir edib.[6] 2023-cü ildə o, yenidən favorit hesab edilib.[7]

2 iyul 2019-cu ildə von der Leyen Avropa Şurası tərəfindən Avropa Komissiyasının prezidentliyinə namizəd kimi təklif edilib.[8][9] İyulun 16-da Avropa Parlamenti tərəfindən seçilib,[10] dekabrın 1-də isə vəzifəsinə başladı. O, bu vəzifəni tutan ilk qadındır. 2022-ci ilin noyabrında von der Leyen Komissiyanın Rusiya Federasiyası üçün Beynəlxalq Cinayət Tribunalının yaradılması üzərində işləyəcəyini elan etdi.[11] O, 2022 və 2023-cü illərdə Forbes tərəfindən dünyanın ən güclü qadını seçilib.[12][13]

İstinadlar
  1. http://www.britannica.com/EBchecked/topic/2005334/Ursula-von-der-Leyen.
  2. Petrikowski N. P. Ursula von der Leyen // Encyclopædia Britannica (ing.).
  3. http://www.bundestag.de/bundestag/abgeordnete18/biografien/L/leyen_ursula/258710.
  4. Deutsche Nationalbibliothek Record #130338303 // Ümumi tənzimləmə nəzarəti (GND) (alm.). 2012—2016.
  5. Delfs, Arne. "Merkel Succession Beckons After Von der Leyen's Defense Posting". Bloomberg. 23 yanvar 2014. 2019-03-30 tarixində arxivləşdirilib. İstifadə tarixi: 2024-03-21.
  6. Fallon, Michael. "Yes, Ursula von der Leyen is an EU federalist, but she knows she can't afford to alienate Britain". The Telegraph. 3 July 2019. 11 January 2022 tarixində arxivləşdirilib – www.telegraph.co.uk vasitəsilə.
  7. Barnes, Joe. "Joe Biden pushes for Ursula von der Leyen to be Nato chief". The Telegraph (ingilis). 4 July 2023. ISSN 0307-1235. 28 November 2023 tarixində arxivləşdirilib. İstifadə tarixi: 28 November 2023.
  8. "First woman nominated to lead EU Commission". BBC (ingilis). 2 July 2019. 2 July 2019 tarixində arxivləşdirilib. İstifadə tarixi: 2 July 2019.
  9. "EU leaders pick Germany's von der Leyen to lead Commission". POLITICO. 2 July 2019. 6 July 2019 tarixində arxivləşdirilib. İstifadə tarixi: 2 July 2019.
  10. "MEPs back von der Leyen as EU Commission head". BBC News. 16 July 2019. 1 September 2022 tarixində arxivləşdirilib. İstifadə tarixi: 21 March 2024.
  11. "Statement by President von der Leyen on Russian accountability and the use of Russian frozen assets". Avropa komissiyası. 30 November 2022 tarixində arxivləşdirilib. İstifadə tarixi: 1 December 2022.
  12. "The World's Most Powerful Women 2022". Forbes (ingilis). 6 December 2022. 28 November 2023 tarixində orijinalından arxivləşdirilib. İstifadə tarixi: 29 December 2023. (#invalid_param_val)
  13. "The World's Most Powerful Women 2023". Forbes (ingilis). 5 December 2023. 5 December 2023 tarixində arxivləşdirilib. İstifadə tarixi: 29 December 2023.

Xarici keçidlər
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.